Meclîsê Gencanê HDPyî yê Wanî bi şîarê ’’Ma xo rêxistinin bikerê, azade bibi’’ konferansêk virazene. Parlametera HDPyî yê Amedî Remzîye Tosune, Parlameterê HDPyî yê Wanî Murat Sarisaç û Muazzez Orhane, hemşaredarê bajarî Rojbîn Sevîl Çetîne û Faruk Demîrî ya piya îdarekarê HDPyî yê bajarî û xeylê gencî tewr konfransî bî.

VERA HÊRIŞAN GENCÎ HÎNA HÊZÊN TÊKOŞÎN DANÎ

Konferans de rezgirewtişî ra dima Parlamentera HDPyî yê Amedî Remzîye Tosune qisey kerde. Tosune dîqet ante polîtîkaya qirkerdişî yê hukmatî ser va:’’Rixmê pêroyê hêrişan şarê kurdî û hêzê demokrasîye erzenê xo ver û têkoşînê merdimîye danî. No têkoşînî rê gencî rayberîye kenî. Gencî senî ke verê kralan,împarotan û sultanan de mile xo çewt nêkerd, ewro ra tepîya zî verê zilmî de çok nêdanî.

GENCÎ HÊZÊ XO RÊXISTINBÎYAYÎŞÎ RA GENÎ

Tosune muhîmîya rêxistinbîyayîşî ser vinderte û va: ’’Bi yewbîyayîşî û rêxistinin têgerayîşî ma eşkenî cuyayêka demokratîke înşa bikere. Hêzo esasî gencî û gencî hêzê xo rêxistinbîyayîşî ra genî. Tecrîdî zî hîna do bi hêzê gencan bêro şiketene.

Qiseykerdişê Tosune ra dima konferans çapemenîye rê qefilnaye dewam kerd.