Fermandarîya Qerargehê Merkezê Pawitişê Şarî (MPŞ) derheqê çalakîya fedayîya ya vera TUSAŞî de eşkerayîyêke daye. Eşkerayîye wina ya:

''23yê teşrîna verêne de, saete 15.30 de Anqara de vera bînaya TUSAŞî çalakîya fedayîye ameye kerdene. Na çalakîye hetê tîmêka otonome ya Tabûra Bêmergan ra ameye kerdene. Qehremanê na çalakîya qerardar, marîfetîne, tarîxî û bi ruhê fedayî yê Apogîrî hemrayê ma Asya Alî-Mîne Sevjîn Alçîçek û Rojger Hêlîn-Alî Orek ê.

Na çalakîya ke wextêkê dergî ra nata ameyêne plankerdene û ameye caardene yew eleqeyê ci yê bi rojdemê sîyasî yê Tirkîya yê peyênî çin o. Tabûra Bêmergan goreyê prensîbanê xo hertim çalakîyan nêkena. La ge ge vera hedefanê stratejîkan û girîngan, rojdemî ra azade seba ke vera tecrîd, qirkerdiş û polîtîkayanê qirkeran dewleta tirke hişyar bikera çalakîyanê fedayîyan ê bimesajan kena. Na çalakîye de çarçewa nê armancî de vera kerdişanê serê Kurdîstanî ameya kerdene.

Çekê TUSAŞî doman û cinîyanê Kurdîstanî qetil kenê

Çekê ke TUSAŞî ber ardê Kurdîstan de doman û cinîyan zî tede bi hezaran sivîlan qetil kenê. No heqêko meşrû yo ke her rêxistin, dezgeh û merdimê kurdîstanijî vera merkezanê berardişê çekan çalakîye bikerê. Têgêrayîşê ma û hêzê ci qetî sivîlan hedef nêkenê. Verê cû bê waştişî, bi mecburîyetî û sebebanê bînan ra pratîkê winayênî heyf ke qewimîyayê la têgêrayîşê ma şarê ma rê îzehetê ney da û rexneyê xo dayî. Çalakîya ma de TUSAŞ hedefêko leşkerî bi û kesêk mecburîyetî ra merd, naye ra ber zî vera sivîlan meylêk nêame kerdene. Eke welatperwer, demokrat, çepgîr û sosyalîstê Tirkîya bi empatî biewnê na çalakîye ra ê do raştîye bivînê.

Na çalakîya bi senînîya leşkerîye ra dima Wezîrîya Pawitişî ya Tirkîya qaşo 'qesasî bigêra' hêrişê tay noqtayanê gerîlayan kerd la nê hêirşan de zerarêk nêresa  hêzanê ma ser. La ancî dewlete hêrişê Rojawanê Kurdîstanî û Şingalî zî kerd ke yew eleqeyê ma yê organîkî bi nê cayan çin o. No kerdiş bi temamî dişmenîya vera kurdan eşkera keno. Dewleta tirke herinda hêzanê leşkerîyan ê vera ci firinan, depoyanê awe, waranê cuye, îstasyonanê ceyran û enerjî û nêweşxaneyan kena hedef û bi nê hawayî sûcanê şerî kena. Nê hêrişan de qasê 15 merdimê ma yê sivîlî ameyî qetilkerdene. No qirkerdiş û jenosîd o. Artêşêka rûmetêne wina bi namerdî hêrişê sivîlan û binawanîyanê waranê sivîlan nêkena û bi qiseyê 'ma qesasê xo girewt' wesifê ney nêdana. Nê kerdişî teyna nîşaneyê ters û bêhêzî yê.

Na çalakîye pratîk de mojna ke êyê ke wextêkî ra nata nêzdîbîyayîşê taktîkî yê hêzanê gerîlayan sey qelsîye vînenê senî xelet bîyê. Na çalakîye vera nînan zî cewab a. Wa bizanîyo ke hêzê ke çalakîyêka wina sofîstîke kenê do bieşkê xo biresnê pêro hedefan û her tewirê çalakîyan bikerê. Xorinbîyayîşê hêzanê ma na çarçewe de aver şino û her ke şino pratîk de xo mojneno ra. La çar serran ra dima Rayber Apoyî ra mesajêko germ ameyo girewtene ke no seba pêro gerîlayan cayê kêfweşî û girîng o. No babetêka cîya ya ke goreyê qewimîyayîşan ganî bêra ercnayene.

Ma fedayîyanê na çalakîye, qehremananê Tabûra Bêmergan û embazanê ma Asya û Rojgere bi rêz û minetî yad kenê ke bi ruhê fedayî û profesyonelî serrgêra 32ine ya şehadetê Fermandare Bêrîtane de, bi çalakîya xo xeta aye ya fedayîye vista leweyî. Ma bi perwerîyêka pîle verê ruh, tewir û çalakîya înan a pîle de sereyê xo anê war û soz danê ke rayraşîyayîşê 'Rayberîya Azade û Kurdîstanê Azadî' bi serfîrazîye tacîdar bikerê.

Nasnameyê bêmerganê çalakîya fedayîye wina yê: