Fermandarîya Qerargehê Merkezê Pawitişê Şarî bi wesîleya serrgêra Hemleya 15’ê Tebexe eşkerayîyêka nuştekîye daye. Eşkerayîye ra tayî cayî wina yê:

‘’Hemleya newe ra ganîbîyayîşî ya 15’ê Tebaxe ya ke semedê şarê ma bîye mîlade sere de Rayber Apo heme şarê ma rê pîroz bo. Ma şexsê Fermandarê Girdî Egîd (Mahsûm Korkmaz) de heme şehîdê ke wayîrê na roja bimbareke yê ma înan yad kenê û sozê bicaaridşê waştişanê înan newe kenê.

15’ê Tebexa semedê şarê Kurdî yo ke binê sîyasetê jenosîtî gankêş de bi tercîhêk nê  zordarîyêke bî. Bedelê ci çi beno wa bibiyêne ganî na game biameyêne eştene.15’ê Tebaxe vera bênasnamekerdiş, înkar îmhayî serewedartiş o. Na hemleye Kurdî bi tarîxê xo ardî têhet û înan de  îradayê xo pawitişî û azadkerdişê nasnameyê xo  afernayo. Na hamleye Kurdê ke birêyê mergî antenê newe ra ganî kerdî û tarîxê Kurdan de sey Roşanê Ganîbîyayîşî cayê xo girewt. Guleyo verên ra nata heme parçeyanê Kurdistanî de ruhê 15’ê Tebaxe qoq da û çend şino gird beno. Na hemleya tarîxkîye ya ke Botan de ameye destpêkerdene  pîya bi xo sîtemêko newe yê fikiryayîşî aferna û ruh û tewirê mucadeleyê neweyî vete werte.

Ewro eke Rojakewtena Mîyanêne ya ke şerê dinya yê 3’ine tede yeno domnayene de şarê Kurdî bi îrade û hêzî sehneyê tarîxî de yo, no xeyrê na hemleye, Rayber Apo û Şehîdanî yo. Ma sey Hêzê Pawitişî yê Şarê Kurdistanî bi bawerîye, qerardarîye, giredayîye, ceribnayîşê zengînî û tecrubeyê tarîxkîyî kewenê serr a 36’ine ya mucadeleyî û ma do bi girdkerdişê mucadeleyî rayîrê xo rê dewam bikerê. Na çarçewe de no xoverdayîşo destankî yo bi Fermandar Egîtî dest pêkerd û bi hemrayan Erdal ( Engîn Sîncar), Adil Bîlîkî û Nûda Kerleran ra heta Reşît Serdar, Huseyîn Mahîr, Mehmet Goyî, Nûjîn Gevda, Berçem Çilo, Delal Amede, Azad Sîser, Dogan, Çetîn, Cûma, Çîyager, Welat, Baran, Rûbar, Atakan, Zekî, Şevîn û Sarayan heto ewro ame, ma do bi gerîlayê profesyonelî bi kirişê merhaleyêke neweyî û ser bifînê.’’