Merkezê Îrtîbatî û Çapemenîye yê HPGyî nasnameyê şehîdekî eşkera kerd û nê pare kerdî:

“Hemrayê ma fermandaro kedkar û fedakar Cemîl Cîlo ke 24ê hezîrana 2020î de gama ke Heftanîn de wezîfeyê xo ser bi hêrişê dişmenî de şehîd bi, ma serrgêra şehadetê ci de ey bihurmet yad kenê. Hemra Cemîlî Botanî ra heta Qendîlî, Colemêrgî ra heta Kelareşî, Heftanînî ra heta Gabarî, Besta ra heta Şirnexî 21 serrî nefes bi nefesî bêmabên semedê têkoşînê estbîyayîş û azadîye yê şarê kurdî têkoşîn kerd. Ma do têkoşînê hemra Cemîlî gird bikerê û waştişanê ci bîyarê ca. Ma keyeyê ci yê erjîyayeyî, şarê welatperwerî yê Elbakî û heme şarê Kurdîstanî rê serweşîye wazenê.

Nasnameyê hemra Cemîl Cîloyî wina yo:

Hemrayê ma Cemîl Cîlo dewa Hestanî ya Elbagê Wanî de yeno dinya û dormeyê welatperwerî de beno pîl. Hemra Cemîl serrgêra 15ê Tebaxe Hemleya Gerîlayan a biheybetî ya serra 1999î de tewrê sefanê gerîlayan beno. Prosesê peyserantişî yê 1999î de ravîyereno Herêmanê Pawitişî yê Medya û Qendîl de tewrê xebatanê pratîkî beno. 2003 de ravîyareno Botanî û heta 2007î Colemêrg Wan de gerîlatîye keno.

2007 de netîceya hêrişê helîkopterî de dest û linganê xo ra beno birîndar û semedê tedawî ravîyereno Herêmanê Pawitişî yê Medya. Badê tedawî Akademîyanê Apollo de perwerdeyê leşkerî û îdeolojîkî vîneno û 2008 de ravîyereno Heftanînî û heta 2014 tîya falîyet rayra beno. Dima ra reyna agêreno Botanî. 2015-2016  de  Xoverdayîşê Xoîdarekerdişî yê Şirnexî ca geno û reyna agêreno koyanê Botanî. Tîya wextêk wezîfe keno û semedê tedawî ravîyereno Herêmanê Pawitişî yê Medya. Hemrayê ma Cemîl 24ê hezîrana 2020 de Heftanîn de netîceya hêrişê dişmenî de bi giranî birîndar beno û tewrê kerwanê şehîdan beno.”