Hemşaredarê HDPyî yê Gimgim, Kop û Lîzî yê ke çarçeweya operasyonê qirkerdişê sîyasîyî de ameybî destbendkerdene hetê Wezaretê Karanê Zereyî ra wezîfeyî ra ameyî girewtene û herinda înan de qeyûm ame cakerdene.
Hemşaredarê Partîya Demokratîke ya Şaran (HDP) yê Gimgim Kop û Lîzî yê Mûşî yê ke ameybî destbendkerdene wezîfeyî ra ameyî girewtene û herinda înan de qeyûm ame cakerdene.
Hemşaredara qezaya Gimgimî Ulku Karaaslan, Hemşaredarê qezaya Kopî Adnan Topçu û Hemşaredarê bajarekê Lîzî Dîlaver Keskîn yê ke vizêr sereştişê keyeyanê înan de ameybî destbendkerdene bi qerarê Wezaratê Karanê Zereyî bi îdîaya ’propagandaya rêxistene‘ wezîfeyî ra ameyî girewtene.Walîtîya Mûşî da zanayene ke Qeymeqamê Kopî Mehmet Îlîdî şaredarîyanê Kop û Lîzî de Qeymeqamê Gimigimî Ertugrul Avci Şaredarîya Gimgimî de sey qeyûmî ameyî cakerdene.
Pîya bi qeyûmanê peyênan 3 bajarê pîlî, 25 qeza û 3 bajarekan de şaredarîyanê HDPyî rê qeyûm ame cakerdene. 19 hemşaredarê nê şaredarîyan ameyî tepiştene û 5ê înan zî hema nezaret de yê.
