Herêmanê Pawitişî yê Medya de Gerîlayê Azadîye yê Kurdîstanî têkoşînê tarîxî danê. Çar aşmanê peyênan de 10 helîkopterî ameyî wardayene û 70 helîkopterî zî ameyî derbkerdene.

Artêşa tirke ya îşxalkere wardayîşê helîkopteran şarî ra nimnena. Têna warginayîşê yew helîkopterî sey qeza pare kerd la qala ê bînan nêkerd. Her cayê dinya de eke yew teyaraya de erzaya teknîkî zî vejîyo pê raporî eşkerayîye danê û vanê sebîyo.  La artêşa tirke û îqtîdarê ci wina nîyê. Xora medyaya tirkî nêpersena, nêşina mesele ser û şarê tirkî zî bêveng o.

Artêşa tirke tim wina bî, çirey raştîyan nevana. Meselea 2017 de gerîlayan Koyê Katoyî de helîkopter da war, Tumgenaral Aydogan Aydino ke cehd kerdêne ke Kurdîstan de gerîlayan biqedîno, zî tede  13 leşkerî ameyî kiştene la dewlete no sey qeza ramojna.

Seba ke gerîlayî ge ge wardayîşê helîkopteran pê belgeyan ramojnenê dewleta tirke taktîkê xo bedilna. Helîkopterê ke dîyenî war, leşkerê ke tede yê hema weş bî zî cayê wardayîşî pê teyarayanê şerî yene bombardumankerdene ke belgeyan çîn bikerê. Bi nê hewayî leşkerê ke eşkenê weş bixelisîyê zî yenê kiştene. Gerîlayan çîyanê winayênan ra zaf şahîdîye kerde û na rewşe bi eşkerayîyanê xo yê rojane daye eşnawitene.

* 11ê gulane de Warê Xoverdayîşî yê Girê Şehîd Şahînî de helîkoptero bi tipê skorskyî  dîya war. Dewleta tirke cayê wardayîşî da bombayan ver.

* 27ê gulane de zî Warê Xoverdayîşî yê Girê Cûdîyî de helîkoptero bi tipê skorskyî hetê hêzanê ma yê YJA Starî ra ame pirodayene û gama ke şiyênî qereqolê Girê yê Çelê dormeyê Awa Zapî gina war.

* 30ê gulane de Warê Xoverdayîşî yê Şikefta Birîndara de helîkopterê hêrişî hetê gerîlayan ra ame pirodayene û gama ke ver bi Xereqolî şiyênî pê teqayîşê pîlî gina war.

*  2ê hezîrane de Warê Xoverdayîşî yê Girê Hakarî de di helîkopterê hêrişî hetê gerîlayan ra di hetan ra ameyî pirodayene û înan ra yew ame îmhakerdene.

* 24ê temmuze de Warê Xoverdayîşî yê Şikefta Birîndara de helîkopterê skorsky ame pirodayene. Helîkopterê ke kila girewt kerd ke biremo la Şikefta Birîndara de gina war.

*  3ê tebaxe de Warê Xoverdayîşî yê Girê FMyî de gerîlayanê YJA Starî helîkopterê hêrişî hedef girewt. Helîkoptero ke ame derbkerdene adir girewt û gina war.

* 19ê tebaxe Warê Xoverdayîşî yê Girê Amedîyê de helîkoptero bi tipê skorskyî ame pirodayene. Helîkoptero ke herême ra kewt dûrî nizdê qereqolê Girê yê Çelê de gina war.

* 2ê êlule de Warê Xoverdayîşî yê Şehîd Fedakarî de helîkoptero bi tipê skorskyî hetê gerîlayan ra ame wardayene.

* 3ê êlule de eynî warî de reyna helîkopterê skorskyî ame pirodayene û gama ke helîkopter warî ra vejîyayêne warê Barzanî de gina war.

* tewr peynî de 4ê êlule de Warê Xoverdayîşî yê Girê Amedîyê yê Metîna de helîkoptero bi tipê skorskyî dîya war.