Torra Heqanê Merdiman ê Kurdîstanî hewteyê vîyarteyî de roja sêşemyî pare kerdbi ke 4 tepişteyê sîyasîyî yê kurdî yê bi nameyê Kemal Hesen Remezan,  Elî Ehmed Sulêman, Ehmed Temûyî û Îbrahîm Îsapûr  4ê nîsane de seba tehqîqatî nişka ra zîndanê merkezî yê Ûrmîye ra ameyî berdene bi merkezêkê asayîşî. Wextê nezaretê înan mengêkna ame dergkerdene.

Ê wextî ra na destûr nêdîya ke nê çar tepişteyî heqê xo yê pêvînayîşê rî bi rîyî û telefonî bixebitnê û heta nika derheqê rewşa înan de xeberêke zî nêamey destvistene.

Vilabîyayîşê janê vîrusê Korona û alozîya Zîndanê Ûrmîye ra dima tersî ra ke tepişteyî çalakî bikerê û nêrazîbîyayîşê xo bimojnê, tepişteyî ameyî berdene bi dezgehêkê asayîşî. Îdareyê Îtîlaatî yê Ûrmîye û Îttîlaatê Sipahî vanê ke ê nêeşkenê derheqê tepişteyan de zanayîşêk bigêrê.

Verê cû zî her çar tepişteyî zîndan ra ameyî berdene. Menga êlula 2012î de Elî Ehmed Sulêman û Ehmed Temûyî 3 tepişteyanê bînan ê sîyasîyan reyde ameyî berdene bi cayêk û înan rê îşkence ame kerdene.