Merkezê Îrtîbat û Çapemenîya HPGyî 5 gerîlayê ke 17ê tebaxe de Azarpêrt de şehîd kewtbî û miyanê ci de fermandaranê YJA-Starî ra Dîcle Zafere zî esta, nasnameyê înan eşkera kerd. YJA- Starî seba şehîd gerîlayan serweşîye waşt.
Eşkerayîye de ca dîya nînan:
''Artêşa tirkî 16ê tebaxe de herema Şehîd Xebatî yê qezaya Azarpêrtî yê Çewlîgî de, bi paştîdayîşê wesayîtanê bêmerdimî yê hawayî operasyonêko hîra viraşt.
17ê tebaxe de binate îşxalkaran û hêzê gerîlayî de pêkewtişêk vejîya û xeylê leşkerê artêşa tirkî merdî la derheqê hûmarê merde û birindan de zanayîş nêgerîya.
No pêkewtişî de komûtayê hemra Dicle yî de 4 embazê ma bi kahramanîyê şer kerd û şehîd kewtî.‘‘
Gerîlayê ke şehîd bîyî nasnameyê ci wina yo:
|
|
Nameyê Qodî: Dîcle Zafere Name Peyname: Raîfe Yilmaze Cayê Biyayîşî: Mêrdîn Dadî-Babî: Lemane - Hasan Tarîx û Cayê Şehadetî: 17ê tebexa 2018î / Çewlîg
|
|
|
Nameyê Qodî: Ferhat Rodî Name Peyname: Saygi Aydin Cayê Biyayîşî: Mûş Dadî-Babî: Haylû - Saîd Tarîx û Cayê Şehadetî: 17ê tebaxa 2018î / Çewlîg
|
|
|
Nameyê Qodî: Reşît Çewlîk Name Peyname: Veysel Alparslan Cayê Biyayîşî: Çewlîg Dadî-Babî: Fervzîye - Kemal Tarîx û Cayê Şehadetî: 17ê tebaxa 2018î / Çewlîg
|
|
|
Nameyê Qodî: Yona Dersim Name Peyname: Erol Ûlûca Cayê Biyayîşî: Dersim Dadî-Babî: Saîme - Mûstafa Tarîx û Cayê Şehadetî: 17ê tebaxa 2018î / Çewlîg
|
|
|
Nameyê Qodî: Zîn Xweza Name Peyname: Sûna Acû Cayê Biyayîşî: Şirnex Dadî-Babî: Ayşe - Yûsûf Tarîx û Cayê Şehadetî: 17ê tebaxa 2018î / Çewlîg
|
Fermandarîya Qerargahî yê Merkezê YJA-Starî bi mesajêkê gerîlayî ke şehîd kewtî yad kerdî û serweşîye waşte.
Mesajê YJA- Starî wina yo:
''Fermadanranê ma ra hemra Dîcle Zafere xoverdayîşê xo yê 20 serran de Hêrema Pawitşî yê Madya de xeylê xebatî bi serkewtişî arde ca. Hemra Dîcle Botan, Amed, Garzan û Erzîrom de fermandarîye kerde, emego pîl da û biye sembolê emegî. Reyna bi cesarat û serkewtişê xo zî embeza nîmûne bî.
Embeza Xweza qelayê xoverdayîşanê Kurdîstanî ra Cizîr de, bi kulturê welatperwerîyê biye girde û bado zî verê xo da koyanê azadîye. Eyalatê Erzeromî de wazîfeyê xo bi serkewtişî arde ca. Bi kesîye xo ya jîyat û cengawere zerra embazanê xo de ca girewte.
Embazê ma Ferhat Rodî, Reşît Çewlîk û Yona Dersimî zî verva hêrişê dewleta tirkî tewr Xoverdayîşê Azadîye bîye û koyanê Kurdîstanî de bi fedakarîyê seba azadîya şar û welatê xo têkoşîno erjaya dayo.
Embazê ma ke no xoverdayîşo girde de şehîd bîyî, vernîye de embazê ma Dicle, Ferhat, Zîne, Reşît û Yano heme şehîdanê xo yad kene û sozê waştinê înan caardişî danî.''
