Taxêka Pasûrî de 5 tutî  qursê Kuranî de maruzê hêrişê cînsî yê îmam Hamdusena C. mendî. Îmam gerreyê keyeyan ra dima ame destbendkerdene.

Tutan verî keyeyanê xo rê qala hêrişê cînsîyî kerde la keyeyan pa bawer nêkerd. Dima tutan mamostayê xo ra qala hêrişî kerde. Dima ke mamostayî xebere daye cendirmeyan îmam hewteyêkî verî ame destbendkerdene û hema zî destbendkerde yo.

Hetê bînî ra dîya zanayene ke semedo ke keyeyî gerre nêkerê qoricîyî muxtarê dewe keyeyan rê gef werdo. 

Şahîdêko/a ke nêwaşt nameyê xo bido/a eşkera kerd ke dewe de verî zî qoricîyêkî tutêke rê tecawuz kerdo û qoricîyan serê serebûtî girewto. Şahîdî/e vat: ''Serra 2017-2018î de qoricîyêke tecawuzê tutêke kerd. Tuteke digane bîye û dima dewlete dergûşê tute girewt. Labelê qoricî nêame destbendkerdene. Qoricîyan serebût kerd mîyan. Nika zî wazenê nê serebûtî mîyan bikerê. Muxtar û qoricîyî gêrenê keyeyan û vanê 'Gerre mekerê, gerreyê xo apey bigêrê.' Bedenê tutan sîya û kewe bîyê. Îmam tutan rê şîdet zî kerdo.''

Ame parekerdene ke dozgerî îfadeyê 5 rutan girewto û persê 'tacîz çî yo' tutan ra pers kerdo. 

Hetê bînî ra muftuyê Pasurî muxtar û îmamanê qeza reyde kombîyayîş kerd û vat: ''No çita yo vajîyeno, wayîrê embazê xo vejîyê.''

Tûtêke zî dîmenê hêrişê cînsîyî girewtî û dîmenî teslîmê cendirmeyan kerdî.