2yê temmuze û 28ê teşrîna peyêne ya 2023yî de qezayanê Xîzan û Tetwanî de çarçewa operasyonê qirkerdişî de 7 dewijî ameybî destbendkerdene. 

Derheqê dewijan de îdîanameyê bi 28 rîpelan ame amadekerdene. Îdîaname hetê Mehkemeya Cezaya Girane ya Bedlîsî ra ame qebulkerdene û tede dewijî 'endamîya rêxistine, rijnayîşê yewî û aramîya dewlete û xîretê kiştişî' ra yenê sûcdarkerdene. 

Tedeyîya îdîanameyî de îdîayê îtîrafkeran cagênê. Îdîaname de 7 dewijan rê cezaya muebede yena waştene. 

Roniştişê mehkemeya vera dewijan 7ê hezîrane de Bedlîs de do bêro kerdene.