Çalakîya Dêrsimî: Vêşanîye nê bêvengîye mirnena
Çalakîya roniştişî ya vera tecrîdî ya Partîya Şaran a Demokratîke (HDP) ya Dêrsimî vizêr roja xo ya 17’ine de dewam kerde.
Dersim de çalakîya roniştişî ya ke hetê HDP’yî ra semedê baleantişê serê grevê vêşanîye û rojeyê mergî yê ke vera tecrîdê serê Rayberê Şarê Kurdî Abdullah Ocalanî yena viraştene, vizêr roja xo ya 17’ine de dewam kerde.
Çalakîya ke Meydanê Seyîd Rizayî de yena viraştene hemserekê HDP’yî yê bajarî, temsîlkarê partîyanê sîyasîyan û sazîyan, dayîkê ke domanê înan grevê vêşanîye de yê, parlamentero verên ê HDP’yî Erdal Ataş û xeylî hemwelatijî tewrê ci bîyî. Çalakîya ke binê ablûqaya polîsan de ameye viraştene de pankarta ‘’Vêşanîye nê bêvengîya mirnena’’ ameye akerdene û ame vatene ke heta bicaardişê waştişanê xoverdayoxan çalakîya înan do dewam bikero.
