Wendekara Zanîngehê Munzurî Gulîstane Doku ra 5ê çeleyê 2020î ra nata xebere nêna girewtene. Keyeyê Gulîstane seba ke aqîbetê kênaya ci bêro eşkerakerdene 1ê çeleyî de verê Edlîyeya Dêrsimî de çalakîya roniştişî dabi destpêkerdene. 

Keyeyê Gulîstane Doku roja 18. de verê edlîye de nobete rê dewam keno û perseno ke ''Gulîstane Doku ça de ya?'' Keyeyî fotografê kênaya xo berz kerdî û vat ''Ma edaletî wazenê.'' Endamanê Platformê Cinîyan ê Dêrsimî çalakîye zîyaret kerde û paştî daye keyeyê Dokuyî.