Dêrsim de çalakîya paştdayîşê çalakgeranê grevê vêşanîye û rojeyê mergî yê ke semedê wedartişê tecrîdê sere Rayberê Şarê Kurdî Abdullah Ocalanî bi mengano çalakîye de yê, dewam kena.

Vizêr reyna Rayberîya Partîya Şaran a Demokratîke (HDP) de meydanê Seyîd Rizayî yê Dêrsimî de çalakîya roniştişî ameye viraştene. Çalakgeran da zanayene ke heta waştişê xoverdayoxan nêrê ca ê do meydanan de bê. Hemserê ke HDP’yî yê Dêrsimî Hidir Çîçekî eşkerayîya Wezîrê Edaletî yê pêvînayîşê avûkatanê Ocalanî vist vîrî û ard ziwan ke vat ke heta ke qerar pratîk de nêro ca ê do çalakîya xo rê dewam bikerê. Dayîkanê  xoverdayoxan zî veng da serokkomar û Wezîrîya Edaletî yê Tirkî ke tecrîd cade wadarê.