Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de zanayîş da.

''Eşkerayîye de nê ameyî parekerdene: Çarçeweya Hemleya Şorişgêre ya Cengê Heftanînî de 3ê nîsane de hêzanê ma yê YJA Starî Qilê Şehîd Şêxmusî de da leşkeranê tirkan ro. Netîceya çalakîye de heme mewzîyî ameyî îmhakerdene û 8 leşkerî ameyî kiştene û 3 zî birîndar bîyî. Reyna çar hebî çekê  A-4î yê ke mewzî de bî ameyî îmhakerdene. Yewîya ma ya ke çalakîye viraşte weş û war resaye waranê xo yê baregehî. 4ê nîsane (ewro) teyarayanê şerî yê artêşa tirke ya îşxalkere warê Gelîya Pisaxa ya pabesteya herêma Heftanîn bombardûman kerd. Nê hêrişî de vînîbîyayeyê ma çîn ê.''