Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê atêşa tirke de eşkerayîye daye û nê pare kerdî:

''Çalakîyê hêzanê ma bi hewayêkê qerardarî yê serkewtişî û bi ruhê fedayîyî bêmabên dewam kenê. Hêzanê ma semedê yadkerdişê qehremananê Zendûra yê ke par tewrê kerwanê şehîdan bîyî çalakîyî kerdî. Çalakîyan de 17 îşxalkerî ameyî cezakerdene, 4 îşxalkerî birîndar bîyî û 3 sîstemê kameraya mobese û yew sîstemê radarî ameyî îmhakerdene. Artêşa tirke tunelê şerî 37 rey pê teqaberan û 24 rey zî pê çekanê kîmyewîyan bombarduman kerdî. Warê Xoverdayîşî bi desan rey pê teyarayanê şerî, helîkopteranê hêrişî û obusan ameyî bombardumankerdene.  Detayê çalakîyanê ke ameyî kerdene wina yê;

Avaşîn

Warê Xoverdayîşî yê Werxelê de 8ê hezîrane de kamerayê mobese û radarê ke îşxalkeran tîya ca kerdbî hetê hetê hêzanê ma yê YJA Starî ra ameyî hedefgirewtene. Na çalakîye de di sîtemê mobese û yew sîstemê radarî ameyî îmhakerdene. Eynî roje îşxalkerî hetê hêzanê ma ra  bi çekanê giranan ameyî pirodayene, 4 îşxalkerî ameyî cezakerdene. Îşxalkeranê ke derbeyî werdî gamêke peyser ancîyayî.

Metîna

Warê Xoverdayîşî yê Girê Hakkarî de 6, 7 û 8ê hezîrane de îşxalkerî hetê hêzanê ma ra ameyî pirodayene. Nê çalakîyan de pêro pîya 10 îşxalkerî ameyî cezakerdene  û 4 îşxalkerî birîndar bîyî. Warê Xoverdayîşî yê Girê FMyî de 8ê hezîrane de sîstemê kamerayêka mobese ame îmhakerdene.

Zap

Warê Xoverdayîşî yê Karkerî de hêzanê ma yê  YJA Starî 8 û 9ê hezîrene de çalakîyê sûîkastî kerdî. Nê çalakîyan de 3 îşxalkerî ame cezakerdene. Warê Xoverdayîşî yê Girê Şehîd Şahînî de zî 8ê hezîrane de  îşxalkerî ameyî pirodayene. Îşxalkeranê ke derbeyî werdî gamêke peyser ancîyayî.

Bombarduman 

7 û 8ê hezîrane de verê tunelanê şerî yê Şehîd Akîfî yê Warê Xoverdayîşî yê Girê Hakkarî de seba ke duyê şirê tunelan adir ame tafînayene. 8ê hezîrane de mewzîyê Şehîd Hejar, Şehîd Akîf, Warê Werxelê, Şehîd Hewrê, Şikefta Birîndara pê teqaber û çekanê kîmyewîyan dîyayî bombayan ver. Reyna 7ê  hezîrane de dormeyê dewa Gûzê yê Garê û  Girê Hakkarî, 8ê hezîrane de  warê Awa Lolanê  û Girê Şêhîd Heqî yê Xakurkê, Girê Hakkari, Girê Cûdî, Girê FM, Çiyareş, Karker, Şikefta Birîndara û 8 û 9ê hezîrane de warê Werxelê, Çiyareş, Şikefta Birîndara, Çemço, Girê Baharî pê teyarayanê şerî û obusanê ke qereqolanê sînorî ra yenê eştene, bi desan reya dîyayî bombayan ver.''