Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê pare kerdî:

Cûdî

''Herêma Cûdîyî ya Botanî 27 gulane ra heta 28ê gulane bi teyarayan şerî 11 rey dîyaye bombayan ver û dima ra herême de operasyon dîya destpêkerdene. No operasyon destveng peyser ame antene. Çapemenîya şerê taybetî ya tirkî vato nê operasyonî de 3 embazê ma şehîd bîyî la no raşt nîyo, nê operasyonî de vînîbîyayeyê ma çîn ê.

Metîna

Warê Xoverdayîşî yê Hakarî de 12ê hezîrane de îşxalkerî bi çekanê giranan ameyî pirodayene. Warê Xoverdayîşî yê Girê FMyî de zî 13ê hezîrane de vera îşxalkeran çalakîyî ameyî kerdene. Nê çalakîyan de 10 îşxalkerî ameyî cezakerdene yew sîstemê radarî û di mewzî ameyî îmhakerdene. Warê Xoverdayîşî yê Girê Cûdîyî de zî eynî roje îşxakerî ameyî pirodayene, îşxalkerêk ame cezakerdene. Warê Xoverdayîşî yê Girê Hakarî de zî helîkopterê ke hêzanê ma mudaxaleyê înan kerd warî ra kewtî dûrî.

Zap

Warê Xoverdayîşî yê Karkerî  de îşxalkeranê ke 13ê hezîrane de waşt xo herême de ca bikerî hetê hêzanê ma yê YJA Starî ra ameyî pirodayene, 3 îşxalkerî ameyî cezakerdene. Warê Xoverdayîşî yê Werxelê de zî eynî roje îşxalkerî pê çekanê giranan ameyî pirodayene.

Xakurkê

Girê Koordîne yê herêma Şehîd Bêrîtane de 12ê hezîrane de îşxalkerî ameyî pirodayene. Girê Şehîde Axîne de zî 13ê hezîrane de mewzîya radarî ya ke 4 îşxlakerî tedebî ameye pirodayene. Çalakîya ke hetê hêzanê ma yê YJA Starî ra ameye kerdene de 4 îşxalkerî ameyî cezakerdene, yew sîtemê radarî û yew mewzî ameyî îmhakerdene.

Bombarduman

13 û 14ê hezîrane de Warê Xoverdayîşî yê Werxele, Girê Cûdî, Girê Amediyê, Saca, Çemço, Sîda, Rênçbiraxa, Girê FM, Şehîd Şahîn, Çiyareş û Kurojahroyî pê teqaber, teyarayanê şerî, helîkopteranê hêrişî û obusan dîyayî bombayan ver.''