Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke eşkerayîye daye û nê pare kerdî:

''Vakurê Kurdîstanî ra heta Herêmanê Pawitişî yê Medya çalakîyê Gerîlayanê Azadîye yê Kurdîstanî bêmabên dewam kenê. Warê Botanî de bi nameyê fermandaranê ma yê bêmergan Şehîd Şerwan û Şehîde Dilijîne  Hemlaya Egîdên Botanê ya dîyine dîyaye destpêkerdene. Çarçeweya hemle de Besta ra heta Katoyî çalakîyê xurtî ameyî kerdene û xeylêk operasyonê îşxalkeran pûç ameyî vetene. Dewleta tirke vînîbîyayeyanê xo yê Vakûrî şarî ra niminena. Çalakîyanê Botanî de panc operasyonî ameyî betalkerane , 4 îşxalkerî ameyî cezakerdene û wesayîtêko zirxin ê tîpê Amarokî ame îmhakerdene. Herêmanê Pawitişî yê Medya de zî 11 îşxalkerî ameyî cezakerdene, îşxalkerêk birîndar bi, yew sîstemê kameraya mobese û yew dron ameyî îmhakerdene. Warê Xoverdayîşî bi desan rey bi helîkopter û teyarayan û tunelê şerî bi desan rey bi çekanê kîmyewîyan ameyî bombardumankerdene. Detayê çalakîyan wina yê;

Besta

Artêşa tirke ya îşxlakere 14ê nîsane de waranê Tehtereş û Masiro  û 28ê nîsane de Kato Xelîla  yê warê Botanî de operasyonî dayî destpêkerdene la nê operasyonî pêro ameyî betalkerdene. Operasyono ke 5ê hezîran ede Kato Xalîla de dest pêkerd dewam keno. Hezanê ma yê YJA Starî menga nîsane de Girê Tenûrê de da îşxalkeren ro. Çalakîye de wesayîtêko zirxin ê tîpê Amarokî ame îmhakerdene û 2 leşkerê ke tede bî ameyî cezakerdene.  

Şaxê Wanî de çalakîya ke hezanê ma yê YJA Starî 4ê hezîrane de kerde  de 2 îşxalkerî ameyî cezakerdene. Eynî roje operasyono ke waranê Serê Orman û Besta Biyê de dîya destpêkerdene 7ê de hezîrane bênetîce peyser ame antene. Çapemenîya şerê taybat a dewleta tirke bi xeberanê zûran vato di embazê ma şehîd bîyî la raşt nîyo.

Metîna

Warê Xoverdayîşî yê Girê FMyî de 12ê hezîrane de îşxalkerî bi taktîkê sûîkastî ameyî pirodayene, îşxalkerêk ame cezakerdene. Eynî warî de roja bînê hêzanê ma yê YJA Starî çalakîya sûîkastî kerde. Çalakîye de yew sîstemê kameraya mobese ame îmhakerdene.

Zap

Warê Xoverdayîşî yê Karkerî de 5,6,8, 9, 10 û 12ê hezîrane de îşxalkerî bi çekanê giranan ameyî pirodayene û destûr nêdîya ê Warê Xovedayîşî de bêrê cakerdene. Çalakîyan de 2 îşxalkerî ameyî cezakerdene û Îşxalkerî mecbur mendî gamêke peyser agêre. Warê Xoverdayîşî yê Şehîd Şahînî de zî îşxalkerî 12ê hezîrena de pê çekanê giranan ameyî pirodayene.

Ma eşkerayîya xo ya 12ê hezîrane de dabi eşnawitene ke warê Dola Şîvê de mabênê hêzanê ma û îşxalkeran de pêkewtişê giranî qewimîyayî û vatbi zanayîş do peyra bêro dayene. Îşxalkeran waşt 9ê hezîrane de mabênê waranê Girê Şoriş û Girê Şehîd Umîtî yê Warê Xoverdayîşî yê Çîyareşî de xo ca bikerê. Roja bîne warê Dola Şîvê ame bombardumankerdene. 11 hezîrane mabênê hêzanê ma û îşxalkeran de pêkewtişan dest pêkerd û heta şewe dewam kerd. Nê pêkewtişan de 6 îşxalkerî ameyî cezakerdene  û îşxalkerêk birîndar bi. Eynî wextî yew dron dîya wardayene. Cenazayê îşxalkeran saetêke binê kontrolê ma de mendî. Gama ke îşxalkeran cenazayê xo girewtî hêzanê ma reyna da piro, tîya 2 îşxalkerî ameyî cezakerdene. Dima ra warê çalakîye  dîya bombayan ver. Îşxalkerî mecbûr mendî biney peyser biancîyê. Warê Xoverdayîşî binê kontrolê hêzanê ma de yo.

Bombarduman

11, 12 û 13ê hezîrane de Warê Xoverdayîşî yê Karker, warê  Şehîd Zemanî, Şehîde Hêjar û Şehîd Akîfî yê Warê Xoverdayîşî yê Girê Hakarî, warê Şehîd Hewrê yê Warê Xoverdayîşî yê Şehîd Şahînî, Warê Xoverdayîşî yê Girê FM, Girê Cûdî, Girê Amediyê, Girê Hakkarî, Werxelê, Kunîşka, Şehîd Şahîn, Şikefta Birîndara, Çîyareş, Sîda û Çemçoyî bi teyarayanê şerî, helîkopteranê hêrişî, çekanê kîmyewîyan, teqaber û obusan dîyayî bombayan ver.''