Merkezê Îrtîbatî û Çapemenîye yê HPGyî derheqê çalakîyanê gerîlyan û hêrişê îşxalî yê dewleta tirke de zanayîş da.

Eşkerayîye de nê ameyî vatene:

''Çarçewa Hemleya Şorişgêre ya Bazanê Zagrosî de herêma Avaşînî de;

22ê hezîrane de kepçeyanê ke Çarçela de semedê îşxalî rayîr viraştêne pê çekanê giranan ameyî pirodayene. Xebatê rayîrî ame vindetene. 23ê hezîrane de warê Girê Sorî de îşxalkeranê ke xebatê rayîrî kerdêne vera înan çalakîye ameye erdene. Na çalakîye de îşxalkerêk ame kiştene 1 zî birîndar bi.

Çarçewa Hemleya Şorişgêre ya Cengê Xabûrî de herêma Heftanînî de;

22ê hezîrane de Qilê Xaçî yê warê Xantûrî de vera wesayîtê kontrayan çalakîya sabotajî ameye kerdene. Çalakîye de kontreyêk ame cezakerdene.

22ê hezîrane de warê Kuro Jehro yê herêma Zapî pê teyarayanê şerî û warê Kêste û Koordîne yê herêma Metîna zî pê helîkopteranê hêrişî ameyî bombardumankerdene.Warê Mervanosî û Banista yê herêma Avaşînî  û warê Qaşûra, Şehîd Çîya, Qirrika Mîlîtanî û Şikêrên Sorî yê herêma Metîna  de pê helîkopteran îşxalkerî ameyî bedilnayene.''