Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê îşxalî yê artêşa tirke de eşkerayîye daye û nê pare kerdî:

Avaşîn

''16ê gulane de Warê Xoverdayîşî yê Werxelê de îşxlakerî di rey hetê hêzanê ma ra ameyî pirodayene û mecbûr mendî ke peyser biancîyê. Eynî roje îşxalkerî Girê Werxelê de ameyî pirodayene, îşxalkeran mewzîyê caverdayî remayî.Tîya sîstemêkê kameraya mobese ame îmhakerdene. Saetanê cemê şanî de grûbêka îşxalkeran a ke waştêne herême pê çekanê kîmyewîyan bido bombayan ver, hetê hêzanê ma ra ameye pirodayene. Çalakîye de 3 îşxalkerî ameyî cezakerdene, 2 mewzîyî, çekêka A4 û BKCyî ameyî îmhakerdene û 2 mewzîyî û sîstêmêkê kameraya mobese ameyî derbkerdene. Saetanê şanî de îşxlakerî reyna ameyî pirodayene la hûmara merde û birîndaran safî nêbîye.

Zap

15ê gulane de çalakîya Girê Şehîd Cûdîyî yê Warê Xoverdayîşî yê Karkerdî de îşxlakerêk ame cezakerdene. Eynî rojê îşxalkerê ke ver bi mewzîyanê şerî yê Kelê yê Warê Xoverdayîşî yê Kurojahroyî aver şiyênî ameyî pirodayene la netîceya çalakîye zelel nêbî. 16ê gulane de mabenê qilanê Şehîd Harûn û Şehîd Tolhildanî yê Kurojaroyî de îşxalkerî bi çalakîya bikoordîne hîrê hetan ra ameyî pirodayene. Çalakîye de pêro pîya 6 îşxalkerî ameyî cezakerdene û 3 îşxalkerî birîndar bîyî. Reyna çalakîya Mamreşî yê Kurojahroyî de zî 3 îşxalkerî ameyî cezakerdene û mewzîyêke ameye îmhakerdene, mezîyekêke zî ameye derbkerdene. Warê Xoverdayîşî yê Şikefta Birîndara de zî îşxalkeranê ke waştêne mewzîyanê şerî bi madeyanê teqayîşî bidê bombayan ver hetê hêzanê ma ra ameyî pirodayene. Îşxalkeran malzemeyê xo caverda û  remayî. Tîya 13 m Kortex (funye) û 10 kg TNT ameyî destsernayene. Girê Ortê yê Warê Xoverdayîşî yê Karkerî de zî çalakîya bikoordîne ameye kerdene. Çalakîya ke hetê tîmanê ma yê ke erazî ra gêrenê ra ameye kerdene de 5 îşxalkerî ameyî cezakerdene, 2 xeymê leşkerî û droneyêko bombabarkerde ameyî îmhakerdene. Girê Cehenemî yê Warê Xoverdayîşî yê Çîyareşî û Warê Xoverdayîşî yê Şehîd Şahînî de îşxlakerê ke hetê hêzanê ma ra ameyî pirodayene mecbûr mendî ke peyser agêrê. Çalakîyê bitesîrî yê ke hêzanê ma yê Zapî bi ruhê hêrişê fedayîyî kerdî şexsê Fermandarê Bêmergî Hakî Kararî de semedê yaderdişê şehîdanê Menga Gulane ameyî kerdene.

Xakurkê

16ê gulane de Girê Şehîde Axîne de hêzanê ma yê YJA Starî bi çekanê giranan da îşxalkeran ro. Çalakîye de 2 îşxalkerî ameyî cezakerdene.

Qereqolê Sîrê ame pirodayene

10ê gulane de qereqolê artêşa tirke yê Sirê ke erdê Başûrê Kurdîstanî de yo, hetê hêzanê ma ra pê çekanê giranan ame pirodayene. Çalakîye de 4 îşxalkerî ameyî cezakerdene.

Bombarduman

15ê gulane de Girê Hakarî yê herêma Metîna, warê Koordîne û dormeyê dewanê Dêşîşê, Seraro û Êdinê hetê qereqolanê sînorî ra pê obasan, 16 gulane de Girê Hefttebaxî yê herêma Garê, Gundê Fileha, Girê Cûdî ve Girê FMî yê herêma zapî pê teyarayanê şerî û 17ê gulane de warê Karker, Saca û Çemçoyî yê herêma Zapî pê obus û teyarayanê şerî dîyayî bombayan ver.''