Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê îşxalî yê dewleta tirke de eşkerayîye daye û nê pare kerdî:

Avaşîn

''15ê gulane de  Warê Xoverdayîşî yê Werxelê 8 rey bi çekanê kîmyewîyan dîya bombayan ver û dima ra îşalkeran waşt aver şirê. Îşxalkerî hetê hêzanê ma ra bi çalakîya sabotajî ameyî pirodayene, îşxalkerêke ame cezakerdene. Eynî roje nê warî de îşxalkerî reyna bi çekanê giranan ameyî pirodayene, 2 îşxalkerî ameyî cezakerdene. Badê çalakîye îşxaleran reyna bi çekanê kîmyewîyan herême bombarduman kerde. 16ê gulane de zî dima ke hêzanê ma tîya da îşxalkeran ro ê mecbûr mendî ke gamêke peyser şirê.

Zap

15ê gulane de bado ke artêşa tirke ya îşxalkere Girê Cehenemî yê Warê Xoverdayîşî yê Çîyareşî da bombayan ver waşt ver bi mewzîyanê şerî aver şirê. Hêzanê ma mesafeyo nêzdî ra da îşxalkeren ro, 5 îşxalkerî ameyî cezakerdene. Eynî saetan de tîmanê ma yê ke erazî ra gêrenê înan zî  îşxalkerî hedef girewtî, 4 îşalkerî ameyî cezakerdene û 4 zî birîndar bîyî. Eynî roje hêzanê ma yê YJA Starî zî tîya da îşxalkeran ro, 3 îşxalkerî ameyî cezakerdene. Çalakîya warê Kevirêkunî yê Warê Xoverdayîşî yê Şikefta Birîndara de zî 2 îşxlakerî ameyî cezakerdene. Warê Çemçoyî de zî helîkopterêk ame derbkerdene. Girê Şehîd Hewrê yê Warê Xoverdayîşî yê Şehîd Şahînî 19 rey bi çekanê kîmyewîyan dîya bombayan ver.

Metîna

15ê gulane de qereqolê dewleta tirke yê Kanî Masî yo ke Başûrê Kurdîstanî de yo hetê hêzanê ma ra pê çekanê giranan ame hedefgirewtene. Hedefê ke ameyî bewlîkerdene bi serkewtişî ameyî pirodayene. Eynî roje vera şan çalakîya suîqestî de îşxalkerêk ame cezakerdene.

Bombarduman

15ê gulane de warê Sîda, Çiyareş, Girê Cûdî, Girê FM, Şikefta Birîndara, Karker, Şehîd Şahîn, Girê Amediye, Girê Ortê ve Kurojahroyî yê herêma Zapî,  Girê Hakarî yê herêma Metîna û Girê Şekîfî yê herêma Xakurkê pê obusan û teyarayanê şerî ameyî bombardumankerdene.''