Merkezê Îrtîbatî û Çapemenîye yê HPGyî bi eşkerayîyêke derheqê çalakîyanê gerîlayan û hêrişanê îşxalî de agahîyî dayî. Agahîyî wina yê:

''Xoverdayîşo destanwarî û çalakîyê bitesîrî yê hêzanê ma bê mabên dewam kenê. Artêşa tirke ya îşxalkere de warê xoverdayîşî 13 reyî pê çeka kîmyewîye, bi seyan teyara, helîkopter û obusan dayê bombayan ver, nêeşkaye destê hêzanê ma ra bixelisa.

Çalakîyanê gerîlayan de 23 îşxalkerî ameyî cezakerdene û 10 îşxalkerî zî birîndar bîyî. Detayê nê çalakîyan wina yê:

Herêma Avaşînî de;

14ê gulane de artêşa îşxalkere Warê Xoverdayîşî yê Werxelê 13 reyî bi çeka kîmyewîye û teqaberan da bombayan ver û waşt ke ver bi mewzîyanê şerî aver şora. Hêzanê ma pê çekanê ferdî û giranan 4 reyî nê îşxalkerî kerd hedef. Netîceya mudaxeleyê hêzanê ma de îşxalkerî nêeşkayî aver şorê.

Herêma Zapî de;

14ê gulane de artêşa tirke ya îşxalkere waşt ke ver bi mewzîyanê şerî yê Girê Şehîd Hewrê şora. Heman wextî de artêşa îşxalkere kutikêko ke kamera naybi sereyê ci şawit tunelanê şerî. Îşxalkerî hetê hêzanê ma ra bi taktîkê sabotajî ameyî pirodayene û 3 îşxalkerî ameyî cezakerdene. Netîceya mudaxeleyê hêzanê ma de îşxalkeran teqaberê bi 20 kîlo verda û rema. Netîceya çalakîye de 3 îşxalkerî ameyî cezakerdene, dest nîya 20 kîlo teqaber, 2 fener û 1 kameraya sereyî ser.

14ê gulane de artêşa tirke ya îşxalkere Girê Cehenemî yê Warê Xoverdayîşî yê Koyê Reşî de mewzîyê şerî 10 reyî dayî bombayan ver û waşt ke di baskan ra çeka kîmyewîye bişuxilna. Îşxalkerê ke gêrîyayê binê kontrolî hetê hêzanê ma ra ameyî hedefkerdene. Hêzanê ma cade bi çekanê ferdîyan û bombayanê destî  da îşxalkeran ro. Hetê bînî ra komêka îşxalkeran zî pê taktîkê sabotajî ameye hedefkerdene. Netîceya derbanê hêzanê ma de 5 îşxalkerî ameyî hedefkerdene. Îşxalkerî şan de reyna ameyî hedefkerdene û gerîlayan pê çekanê ferdîyan û bombayanê destî da piro. Netîceya pêkewtişanê dergan de 13 îşxalkerî ameyî cezakerdene û 10 îşxalkerî bi giranî birîndar bîyî.

Netîceya nê çalakîyanê hêzanê ma yê bi ruhê berzî yê Apogîran de derbêka pîle dîyaye artêşa tirke ro, 18 îşxalkerî ameyî cezakerdene û 10 îşxalkerî birîndar bîyî. Hetê bînî ra hêzanê ma dî ke artêşa îşxalkere kişteyê xo kerdê poşetanê sîyayan û kendalî ra eştê warî.

14ê gulane de mewzîyanê şerî yê Kale yê Warê Xoverdayîşî yê Koyê Reşî de îşxalkerî pê taktîkê sabotajî ameyî pirodayene. Netîceya na çalakîye de 2 îşxalkerî ameyî cezakerdene.

14ê gulane de mewzîyanê şerî yê Warê Xoverdayîşî yê Şikefteya Birîndaran de îşxalkerî di baskan ra ameyî hedefkerdene. Netîceya na çalakîye de zî hedefî bi hawayêkê serkewteyî ameyî pirodayene.

14ê gulane de helîkopterê ke waştêne Warê Xoverdayîşî yê Kuro Jahroyî û Girê Rûbarî bidê bombayan ver hetê hêzanê ma ra gêrîyayî binê adirî. Netîceya mudaxeleyê hêzanê ma de helîkopterî neçare mendî ke warî ra dûrî bikewê.

Hêrişê hewa û erdî

Artêşa tirke ya îşxalkere Herêmê Pawitişî yê Medya pê teyarayanê şerî, helîkopteranê hêrişî û obusan bi desan reyî dayî bombayan ver.

Detayê nê hêrişan wina yê:

-13ê gulane de warê Girê Hefttebaxe yê Zap dîya bombayan ver. 14ê gulane de kendalê Girê Şekîfî yê Xakûrkê, Girê Hekarî yê Metîna, warê Sîda û Çemçoyî yê Zapî, Warê Xoverdayîşî yê Şikefta Birîndaran, Koyê Reşî, Kuro Jahroyî û Şehîd Şahînî, Girê Cehennem, Saca, Karker, Girê Cûdî, Girê FM û Girê Amedîyê dîyayî bombayan ver.''