Denîz Amed de Nûman zî Riha de dadîyanê xo ra bîyî. Ê Çarçella de ameyî têhet. Denîz û Nûman şaristananê cîyayan ra la çarenusê hemparî yê nê şarî ra yenê. Serewedaritişê vera sîstem, hêvî û bawerîya serkewtişî ê ardî yewca.

Embazîya Apoyî û Hakî Karerî zerrîya înan de zîl da û rayraşîyayîşê Kemal Pîrî de zerrîya wirdî zî bîye yew. Numan û Denîz nê koyan de seba azadîye qet yew deqa nêvindertî.

Verî embaz Numan vejîya verê înan. Bênakokî o rayîrî ra şî. Nûman vera îşxalkeran şi û tewrê karwanê bêmergan bi. 18ê hezîrana 2019î de Nûman Stêrk (Halef Yildiz) warê Gelîya Doskî ya Çarçella de heta guleyê xo yê peyênî şer kerd û şehîd bi. Çarenusê Nûmanî bêbextîye qebul nêkerde.

Denîz seba ke qesasê Nûmanî bigêro vejîya meydanê cengê Kurdîstanî. Ey bi sereyê xo vera artêşa îşxalkere xo ver da, rixmê vengdayîşê dişmenî zî teslîm nêbi. Denîz Baz Agir (Muhammet Emîn Demîr) 12ê temmuza 2019î de warê Kirêkorî yê Çarçella de bi sereyê xo vera dişmenan şer kerd û şehîd bi. Denîzî zî bêbextî rê teslîm nêbi û bedenê xo de bomba teqnaye.

Çalakî û şehadetê Denîz û Nûmanî Çarçella ra ver bi Kurdîstanî benê mîsalê embazîye û şerê Apoyîyî.