Gerîlayanê warê Biradostî ra Dozger Zagros û Rojhat Qehremanî ANFyî rê qisey kerd. 

Dozger Zagrosî ard ziwan ke hêrişê îmha û îşxalî yê dewleta tirke yê vera Herêmanê Pawitişî yê Medya şerê mendiş û mergî yo û vat: '''Ê seba ke estbîyayîşê xo mende bikerê wazenê têgêrayîşê azadîye tasfîye bikerê. Dewlete gerîlayan verê armancanê xo de sey astengî vînena. Paradîgmaya Rayber Apoyî dewleta tirke û hêzanê hegemonan tersnena. Şerm o ke PDK bi destê dewleta tirke şuxilîyeno. Wa PDK na şaşîtîye ra abigêro.''

Gerîla Rojhat Qehremanî pare kerd ke vera şarê kurdî, Rayberê Şarê Kurdî û Têgêrayîşê Azadîye hêrişê pîlî est ê û vat: ''Çeka ma ya tewr pîle felsefeya Rayber Apoyî ya. Beno ke çekê ma yê pîlî çin bê labelê bawerî û îradeyê ma hende pîl o ke eşkeno şer bikero û ser bikewo. Eke merdim wayîrê bawerî û xorinbîyayîşêkê xurtî nêbo nêeşkeno vera teknîkî şer bikero. Embazanê ma îradeyê dişmenî şikit, psîkolojîya înan xera kerde. Ganî pêro ciwanê kurdkî tewrê xoverdayîşî bibê.''