Merkezê Çapemenî û Îrtîbatî yê HPG’yî da zanayene ke çarçeweya Hemleya Şorişgêre ya Şehîd Bager û Şehîde Ronya de vera artêşa Tirkî çalakîyî ameyî viraştene.

Hîrayiya eşkerayîye de nê ameyî parekerdene: ‘’Vera îşxalê artêşa Tirkî yê vera Xakurkê yo ke yeno domnayene  hêzanê Çelê ya Colemêrgî de cayanê cîya cîyayan de çalakîyî viraştî. 8’ê Hezîrane de artêşa Tirkî ya îşxalkare herêma Kanî Orê de bi paştdayîşê yewîyanê nimteyan erazî de dame nayê ro. Hêzanê ma vera nê leşkeran çalakîyêk viraşte. Çalakîya ke di qolanê cîyayan ra ameye viraştene mesafeyo nîzdî ra yewîyêka dişmenî bitesîr ameye pirodayene. Netîceyê çalakîye de 5 leşkerî ameyî kiştene 4 zî birîndar bîyî. Heman roje de hêzanê ma Qilê Şehîd Colemêrgî de da îşxalkaran ro. Çalakîya ke stargeh û mewzîyanê dişmenî ser o adir ame varnayene de 3 leşkerî ameyî kiştene. Çalakîyan ra dima artêşa Tirkî bi obüs û hewanan herême bombardûman kerde û şewat vet. 9’ê Hezîrane de Qilê Şehîd Bager de îşxalkarî ameyî pirodayene. Hûmara merde û birîndaran ê dişmenî zelal nêbîye.’’

HPG’yî da pêhesnayene ke 10’ê Hezîrane (Ewro)  teyareyanê artêşa Tirkî herêma Xinêre ya ke pabesteya Xakurkê bombardûman kerde. Netîceyê hêrişan de vîndîbîyayeyê înan çîn ê.