Şaredarîya Bajarê Girdî ya Amedî dest bi tamîrkerdişê kanalê awe yê Çermûgî yo ke rîyê varayîş û hezazî ra zirar dîyo kerd.

Qezaya Çermûgî ya Amedî de tesîsê awe yo ke Çemê Sînekî ser o Qirikê Hanîka ra dest pêkeno û semedê  awedayîşê herêma citkarî û heywankarî yeno şuxulnayene, rîyê varayîş û hezazî ra zirar dîyo. Şaredarîya Bajarê Girdî ya Amedî dest bi tamîrkerdişê nê kanalî kerd. Seba ka citkarî tengayî meancê û hêgayê înan huşk mebê saet 07.00 ra heta 17.00 tamîrkerdişê kanalî yeno kerdene û saet 17.00 ra dima zî citkarî hêgayanê xo awe danê.