Hemserekê Kongreya Komelê Demokratîkî (KCD) Berdan Ozturk, Hemserekê Partîya Herêman ê Demokratîkan (DBP) Salîha Aydenîz û Keskîn Bayindir Çewlîg de pêvînayîşanê xo rê dewam kenê.

Heyet ewro Salona Yeşîl Vadî de rîsipîyan reyde ame têhet. Hemserekê HDPyî  yê Çewlîgî Arzu Firat û Hasan Soysal û Wekîlê HDPyî yê Çewlîgî Erdal Aydemîr Wekîlê HDPyî Nimettulah Erdogmuş zî tewrê heyetî bîyî.

Kombîyayîş de verî Salîha Aydenîz qisey kerd. Aydenîze ard ziwan ke Çewlîg bi xoverdayîş û serkêşanê xo, xo afernayo  rixmê heme zextan wayîrê ziwan, kultur, cografya û têkoşînê xo yê azadîye vejîyeno. Aydenîze vat: ''Îqtîdarê sîstemê xo ke wazeno rono de kurd, cinî, ciwan, kultur û ziwanan nêwazeno. Ma vera nê sîstemê do tim têkoşîn bikerê. Xoverdayîşê ma Şêx Seîd û Seyîd Rizayan ra heta Birêz Ocalanî dewam keno. Her çikas qirkerdişî polîtîkaya seserran xo weye bikerê zî û hema dewam bikerê zî ma zî xeta rayberanê xo sey perspektîfî genê. Na xete ewro Çewlîg de yena domnayene. Ma gurenayîşê xo yê Çewlîgî de dî ke şarî ziwan, kultur û nasnameyê xo canêvrdayo.''

Keskîn Bayindirî zî nê vatî: ''Ma sey şarî semedê heqanê xo têkoşîn kenê. Seserr a wazenê ke Serewedartişê Şêx Seîdî çîn bikerê la nêeşkenê. No heqîqet xo Çewlîg de newe keno. Ma reyna sey şarê kurdî binê zext û zulum de yê, la estbîyayîşê şima hêz dano ma. Ma pêro yew ca de yê semedê heqîqet û edaletî goştarîya yewbînan kenê. Fîkrê şarê ma semedê biqiymet ê.''

Berdan Ozturk zî wina qisey kerd: ''Îqtîdar û hukmatî tim vera kurdan polîtîkaya hêrişkare rayra benê. Waştişêkê kurdan o heqdar esto. Çareserîya ci zî rehet a. Ma asmênî ra nêameyî war. Bi serran o ma na herre de bi ziwan, kultur û nasnameyê xo ciwîyenê. Wexto ronayîşê dewlete de soêz pîya ciwîyayîşê kurdan û tirkan dîyabi. La înan çirey sozê xo nêtepişt. Ma zaf bedelî dayî eke hewce bikero ma hema danê zî. Ma heqdar ê tim heqdar bê. Ziwan û herra ma anorê ma yê. Ma wayîrê anorê xo vejîyenê. Bedelê çi beno wa bido do têkoşînê ma dewam bikero.''