Leşkeranê tirkan û qoricîyan mabanê dewanê Tavsalayê Rîzî û Yazikonîyî yê qezaya Darahênî ya Çewlîgî de hîrê sîvîlan ser o guleyî varnayî.

Goreyê xebera sîteyê Çelîk Newsî netîceya hêrişî de hemewelatîyêk cuya xo vînî kerde û derheqê wird kesanê bînan de zanayîş nêame girewtene.

Leşkeranê ke vizêr  meyîtê keso ke ame qetilkerdene teslîmê keyeyê ci kerd îdîa kerd ke seba ke ey goş nêdayo ‘‘îhtarê vinder‘‘î ser înan çeke şuxulnayo. Badê otopsî cenazaya ciwanî ameyî definkerdene û derheqê babete de cipêrsayîş dîya destpêkerdene.

Merdimanê D.V.yî yo ke bi çeke hetê leşker û qoriciyan ra ame qetilkerdene ard ziwan ke cayê qewimîyayîşî rayîrê dewe yo, ê eşkayêne bê şuxulnayîşê çeke ey vindarnê.