Îqtîdarê dewleta tirke vera erjanê şarê kurdî hêrişanê xo yê wehşîyan rê dewam keno. Leşkerê tikrî yê ke qet yew ehleq û bawerî nas nêkenê Çewlîg de hêrişê goranê gerîlayan kerd.

Dewa Îbrahîman a pabesteyê merkezê Çewlîgî û dewa Karerî ya qezaya Azerpêtî gorê gerîlayan ameyî paçekerdene. Hêrişkaran badê şiktişê kerrayan goran xebere da keyeyanê înan ke wa şirê kerayanê şikteyan pak bikerê.

Gerîlaya MKPyî Sevda Serinyela ke 2017î de şehîd kewt dewa ci Karer de ameybî definkerdene. Merdimanê Serinyele da zanayene ke 14ê nîsane de qereqolî ra ameyî vengdayene. Fermandarê qereqolî waşt ke ê bi destê xo kerraya gorê kênaya xo bişiknê. Merdimanê Serinyele vat ke kerra de çîyêko qedexe çîno û ê do meşiknê. Dima ra leşkeran kerraya ke sero 'Ma semedê ciwîyayene  çi zaf merdî' û 'Mercan' nuşte bi şikna. La hêrişkaran rê no zî qîym nêkerd nika zî bi telefonî  gêrênê keyeyî û zext kenê wa fotografê ci zî serê  kerra ra  wedarê. Seba ke hêrişêko bîn mero kerdene keye goristan de nobet tepişeno.

Hetê bînî ra 9 dewê elewîyanê ke dormeyê Îbrahîman û Karer de yê goranê gerîlayanê HPGyî rê hêriş yeno kerdene. Leşkeranê ke kerrayî şikitî keyeyan ra vat ke şirê ê kerrayanê şikteyan çîn bikerê.