Taxa Doşluce ya qezaya Azarpêrtî ya Çewlîgî rîyê janê vîrusê Korona ra gerîyaye binê karantîna. Goreyê eşkerayîya walîtîya Çewlîgî herêma Çerîbaşi ya taxa Doşluce de janê Korona ame tesbîtkerdene coka do na herême 14 rojî binê karantîna de bimano.

Goreyê zanayîşanê ke herême ra ameye girewtene  rixmê qedexeyê pêserameyîşî peynîya hewteyî de taxe de veyve ame kerdene. Veyveyo ke bi seyan kesî tewrê ci bîyî kesê ke teberê bajarî ra ameyî mîyanê înan de tayînan de şikê janê virîsê Korona esto. Seba ke veyve de temas ameyo kerdene heme taxe gerîyayî binê karantîna. Beno ke badê taxa Doşluce ke 300 kesî tede ronişenê taxê bînî zî bigêrîyê binê karantîna.

Hetê bînî ra  Çewlîg de 17 kesê ke pê janê vîrusê Korona kewtî  hîrê rojî yo ke hûmara înan nêzêdîyaye û înan ra çar kesî bîyî weş, nêweşxaneyî ra vejîyayî.