Çewlîg û Dêrsim zî sey şaristananê bînan ê Kurdîstanî tim rîyê operasyonanê leşkerîyan ê artêşa tirke ra daristananê ci de şewat vejîyeno û hêzê dewlete nêverdenê ke şar pê îmkananê xo zî adirî hewna bikero.

Walîtîya Çewlîg û Dêrsimî seba ke verê şewatan bêro girewtene qasê yew aşme  dekewtişê daristanan qedexe kerdî.

Walîtîya Çewlîgî 2ê tebaxe ra heta 31ê tebaxe dekewtişê waranê daristanan qedexe kerd. Dormeyê daristanan de adirwêkewtiş, mangal, semaver û pîknîk, nêzdîyê daristanan de adirtavistiş, veyvekerdiş, fîşekeştiş zî ameyî qedexekerdene.

Dêrsim de hetê walîtîye ra merkez  qezayan de dekewtişê daristanan heta 1ê êlule ame qedexekerdene.  Walîtîye da zanayene ke waranê daristanan de pîknîk, mangal û adirwêkerdiş qedexe yê.