Qezaya Dara Hênî ya Çewlîgî de şewato ke 25ê hezîrane de dest warêko pîl ê daristanî vêşa bi wele û xeylêk ganîyî merdî.

Şewato ke herêma Suvêranî de dest pêkerd, dewanê Gaz, Şexismal û Xodanî ra vila bi. Şewato ke ci rê zaf erey û kêm mudaxale ame kerdene qismêk gerîya binê kontrolî la tay cayan de hema dû beno berz. Rîyê şewatî ra warêko pîl vêşa bi wele û xeylêk ganîyî merdî.

Hemwelatîyanê ke ard ziwan her serre eynî ca de şewat vejîyeno, bale ante ser ke na herême de qereqol  û xebata madenî esta û vat no şewat xo bi xo nêvjîyayo. 

Hetê bînî ra baldar o ke 5 rojî yo herêma şewatî de şîrketê madenî bêmabên karê xo rê dewam kenê.

Rêxistina HDPyî ya Çewlîgî heyetêk şawit herêma şewatî. Heyeto ke Parlamenterê HDPyî Erdal Aydemîr zî tede yo herême de cigêrayîşî kerd. Aydemîrî eşkerayîye ke daye de vat qismêko pîl herême vêşayo bîyo wel. Aydenîrî ard ziwan ke şewat de îhmalê selahîyetdaran esto û vat şîrketê madenî ke warê şewatî de yê karê xo rê dewam kenê ke ê nayî fehm nêkene. Aydemîrî vat ê do derheqê sebebê vejîyayîşê şewatî û zirarê ci de bigurîyê.