Pêro pisporî danê zanayene ke rayîro tewr girîng ê têkoşînê vera vîrusê Korona hîjyen o. La Êlih de 2 rojan ra nata awe peysaye coka şertê hîjyenî û pakîye nênê caardene. Tay taxan de bi hawayêkê bêmabênî awe peysaye. Selahîyetdaranê Şaredarîye derheqê rewşe de eşkerayîyêke nêkerde. Hemşaredaran Songule Korkmaz û Mehmet Demîr ê ke herinda înan de qeyûm ame tayînkerdene hesabê xo yê twitterî ser o vera peysayîşê awe nêrazîbîyayîşê xo mojna.

Korkmaze û Demîrî vat: ''2 rojan ra nata zaf taxanê Êlihî de awe çin a. Wextê hemşaredarîya ma de heta ke awe bêra ma mesele ser o vindertêne. Êyê ke îdîa kenê ke vera vîrusê Korona têkoşîn kenê meseleya awe cade çareser nêkenê.''

Şaristan de bi taybetî bînayan de ke depoyê înan ê awe çin o mexdûrîyetê şarî zêdîya.