Îdareyê Xoserî yê Demokratîkî yê Şingalî vizêr bi beşdarîya pêro endam û dezgehanê xo kombîyayîşê xo kerd û netîcenameyê kombîyayîşî bi eşkerayîyêke pare kerd. Eşkerayîye hetê Serekê Eşîran Nayîf Şemoyî ra ameye wendene.

Eşkerayîye de dîya zanayene ke kombîyayîş de hêrişê vera herême ameyê ercnayene, hukmatê Iraqî yo newe ameyo ercnayene. Eşkerayîye de ame vatene ke ganî hukmatê Iraqî goş bido waştişanê şarê êzidîyan û demokrasî xo rê esas bikero.

Îdareyê Xoserî yê Demokratîkî yê Şingalî netîcenameyê kombîyayîşî de nê pêşnîyaz û planî pêşkêşê hukmatê Iraqî yê neweyî kerdî:

''1-Şingal parçeyêkê Iraqî yo la tim raştê hêriş û qirkerdişan mendo û nêpawîyo. Coka Îdareyo Xoser o Demokratîk çareserîya esas a û wa bêro şinasnayene.

2-Peymana 9ê Teşrîna Verêne ya 2020î ya mabênê Bexdad û Hewlêrî wa cade bêra betalkerdene û bêdestûrê êzidîyan wa qet yew peymane nêra kerdene.

3-Ma amade yê ke seba aramî û yewîya Iraq û Şingalî hukmatê neweyî de dîyalogan bikerê û çareserîya demokratîke pîya aver berê.

4-Wa Parlamentoyê Iraqî de temsîlîya êzidîyan bêra zêdînayene.

5-Ma venga pêro êzidîyanê ke neçare mendê koç bikerê danê ke abigêrê Şingalî.

6-Ma venga pêro êzidîyanê Ewropa û dinya danê ke seba azadîya Şingalî destê şima ra çi yeno bikerê û têkoşînî berz bikerê.

7-Ma venga Neteweyanê Yewbîyayeyan, Amerîka û Iraqî danê ke vera hêrişanê dewleta tirke warê hewayî biqefilnê.''

çaba göstermeye davet ediyoruz.”