Serekê Baroyê Amedî Tahîr Elçî 28ê teşrîna peyêna 2015î de wexto ke qezaya Sûrî ya Amedî de verê Mînareya Çarlinge de eşkerayîye dayêne, hetê hêzanê dewlete ra amebi qetilkerdene. Îdîanameyê derheqê qetilkerdişê Elçîyî de 5 serran dima temam bi. Îdîanameyo ke 41 rîpelan ra yeno meydan, cigêrayîşê 5 serran hetê Serdozgerîya Komare ya Amedî ra ame temamkerdene. Îdîaname de kişîyayîşê di polîsan ê bi nameyanê Ahmet Çîftaslan û Cengîz Erdurî û kişîyayîşê Elçîyî ameyî yewkerdene.

Îdîaname de ame parekerdene ke 'Gumanêko zêde yê sûcê polîsan esto.' Îdîaname de polîsanê versûcan M.S., F.T., û S.T. rê 2 serran ra heta 6 serra cezaya zîndanî ameye waştene.

Îdîaname de seba Ugur Yakişiro ke yeno îfadekerdene ke PKKyîj o, 3 îdîayanê cîyayan ra ci rê cezaya muebede yena waştene.