Goreyê zanayîşanê ke xebatkarêkê/a Nêweşxaneyê Dewlete yê Mêrdinî ra ameyî girewtene hewteyê vîyarteyî de 20 gardîyanê Zîndanê Mêrdînî semedo ke tede nîşaneyê vîrusê Korona estbî wedarîyayî nêweşxane.

18ê nê gardîyanan de vîrus ame tesbîtkerdene û ê yenê weşkerdene. Xebatkarê/a nêweşxaneyî yo/ya ke nêwaşt nameyê ci eşkera bibo vat: ''Gardîyanî çend rojan ra nata binê karantîna de yê. Pabeyê tomografî û testê cîhazê PCRyî vindenê. Dima rewşa înan do kifş biba. ''

Şemme Şîmdî ya ke lajê aye Memduh Şîmdî Zîndanê Merdînî de tepişte yo îfade kerd ke tepişteyan rê têna lapikî dîyayî la maske nêdîyaye. Şemme vat: ''Meseleyê weşîye yê lajê mi estê. Têna gardîyanî maske xo rê danê, ê zî tim şinê teber yenê. Bi nê hawayî merdimî do senî xo bipawê? Eke siba domananê ma de vîrus tesbît bibo ê do tedbîr bigêrê. Ganî pêro tepişteyî bêrê veradayene.''