Merkezê Îrtîbatî û Çapemenîye yê HPGyî derheqê çalakîye de bi eşkerayîyêke tay zanayîşî dayî.
Eşkerayîya HPGyî wina ya:

"Hêzanê ma yê YJA-Starî 18ê kanûne de çarçewa Hemleya Serkewtişî ya Şorişgêre ya Eyaletê Serhadî de vera leşkeranê Qeraqolê Korxanî yê wareyê Kirê Korî yê Îdirî de tay çalakîyê sûîkastî kerdî. Netîceyê çalakîyan de 3 leşkerê dişmenî ameyî kiştene.

Reyna çarçewa hemleya şorişgêre de hêzanê ma 16ê kanûne de qezaya Başanî ya Îdirî de vera konvoyê wesayîtanê zirxînan ê artêşa TCyî ya îşxalkere çalakîyêka sabotajî kerde. Panzerêkê konvoyî ame îmhakerdene. Hûmara leşkeranê wesayîtî nêameye tesbîtkerdene. Artêşa TCyî ya îşxalkere dima ware de dest pê operasyonêk kerd. Operasyon 18ê kanûne de bênetîce mend û artêşa TCyî ya îşxalkere hêzê xo herême ra tepîya antî. Yewînê ma yê ke nê çalakîyî bi serkewtişî kerdî agêrayî qerargehanê xo.

16ê kanûne de şewe teyarayanê şerî yê artêşa TCyî ya îşxalkere wareyê Dola Şivemêzî yê herêma Heftanînî yê Herêmanê Pawitişî yê Medya ser o bombayî varnayî. Bombardûman de zerarêk nêresa hêzanê ma."