Argeş Botan 8ê êlula 2017î de pêkewtişê mabênê artêşa tirke de mabênê dewanê Koçera, Nîvya û Basa yê Şirnexî de heta guleyê xo yê peyênî şer kerd û bi bêmerg.

Mi 2015î de Argeş Botan Xoverdayîşê Sûrî de şinasna. Bi zerrîpakîya xo bala herkesî antêne. Înşaatanê Sêrtî ra amebi. Vat ke ''Ciwanê Kurdîstanî ameyî û tewrê xoverdayîşî bi. Dima mi o Xoverdayîşê Nisêbînî de Bîlal Erdogan (Botan Şoreş) reyde dî, tewr nêvuryabi. Mi waşt ke ez înan reyde roportaj bika la ez berde nawnayîşî. Ez zî pê kameraya xo kewta dima înan.

Kuçeyêkê Nisêbînî de înan dest pê sloganan kerd. Mi zî pê kameraya xo ê girewtêne. Dima akrepêk ame û teqîya. Kameraya mi zî xesar dî. Ma her hîrêmînî zî ewnîyayêne ê dîmenan ra 3u pê moral girewtêne.Botan Amed Xoverdayîşê Nisêbînî de bi bêmerg. Argeş Botan (Mehmet Halîl Kiliç) zî verê xo da koyan û tewrê PKKyî bi. 

Argeş 1995î de Antakya de amebi dinya. Seba ke debarê keyeyê xo biko serra xo ya qijkeke ra dest pê xebate kerd. Wexto ke Sêrtî de înşaatan de xebitîyayêne Xoverdayîşê Nisêbînî eşnawitbi û tewrê ci bibi. Argeşî wexto ke şîyêne Botan vatêne: "Ez seba azadîya Rayberê ma wazena şora. Çunke ganî hînî Rayberê ma şarê ma reyde biciwîyo, şarê ma wina wazeno. Doman, dadî, dar, pel û vilikê Kurdîstanî her roje vanê ke hendek gonî bes a. Her hêle ke ez kewena tengîye ez embazanê xo yê şehîdan ana xo vîrî û hîna bihêz bena. Înan zî waştêne şorê koyan û mi o xeyalê înan ard ca. Ganî Rayber Apo ma reyde nêbo zî domananê Kurdîstanî reyde bi hawayêkê azadî biciwîyo."