Ciwanê welatperwer ê Başûrê Kurdistanî, bi amancê şermezarkerdişê îşxalkarîya dewleta Tirkî ya herêma Xakurkê çalakîyêk do virazê. Ciwanan vengdayîş bi heme ciwan û şarê Başûrî rê kerd ke tewrê çalakîye bibê.
Rêxistina Ciwananê Welatperweran ê Başûrê Kurdistanî, siba çalakîyêk do seba şermezarkerdişê îşxalkarîya dewleta Tirkî ya herêma Xakurkê bivirazê. Ciwanan bi na wesîla, sere de ciwanî, vengdayîş bi her kesî kerd ke siba tewrê çalakîya protestokerdişê îşxalkarî ya dewleta Tirkî bibê.
Rêxistina Ciwananê Welatperweran ê Başûrê Kurdistanî, Silêmanî de siba do rayraşîyayîşêk vera hêrişanê serê erdê Kurdistanî û bi taybetî polîtikayanê dewleta Tirkî yê vera Kerkukî, bivirazê. Komîteya Amadekarîye, vengdayîşo lezabez seba beşdarbîyayîşê çalakîye kerd û vat, ”Ma bi ruhê Şêladizê vera îşxalkaran bivindê û sewîyeya çalakîye berz bikerê.”
Hetê bînî ra vengdayîşî de ame vatene, “Ma ciwanê Başûrê Kurdistanî na îşxalkarîye vera heme erdê Kurdistanî vînenê. Seba ke wazenê reyêka bîne hewn û xeyalanê xo yê Osmanîyan biqewenê. Labelê tu cara ma do rayîr nêdanê ke gonîya bi hezaran şehîdanê Kurdistanî erdê bimana.” Çalakîya ciwanan, siba saete 16:00 de bajarê Silêmanî de, parka Nalîpêkî de do bêra viraştene.
