Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê pare kerdî:

Herêma Şehîd Delîlî ya Zapî;

3ê temmuze de artêşa tirke ya îşxalkere Warê Xoverdayîşî yê Girê Baharî 17 reyî dayî bombayan ver.Badê hêrişê teyarayanê şerî pê helîkopteran zî hêriş ame kerdene. Artêşa tirke ya îşxalkere xeta bajarê Amêdîye ra û xeta Dêralukî ra pê helîkopteran leşkerî kiriştî Girê Baharî. Hêzanê ma mudaxale kerd helîkoperî nêeşkayî nuqtayanê esasan de leşkeran ronê. La rojawan û rojhelatê Girê Baharî de leşkerî ameyî cakerdene ke tede hêzê ma çîn ê.

Artêşa tirke ya îşxalkere bi wesayîtanê zirxinan û kepçeyan zî 4ê temmuze şewe erdî ra merkezê Amêdîye ra û nuqtaya kontrolî ya Sergelê ya PDKyî ra ravîyart û corê dewa Sergelê de xo ca kerd. Raya verêna ke artêşa tirke merkezê Amêdîye ra bi rayîrê fermî û nuqtaya kontrolî ya fermî ra ravîyarte û heta awbendê Sergelê ameye.

Hêzê ma vera artêşa tirke ya îşxalkere ya ke kena ke Sergelê de xo ca bikero, çalakîyê bi tesîrî kerdî. Saetanê serê sibayî de îşxalkerê ke Sergelê de wasayîtêk de ameyî têhet bi çekanê giranan ameyî hedefgirewtene û pirodayene. Na çalakîye de 2 îşxalkerî ameyî cezakerdene, 6 îşxalkerî birîndar bîyî û cepilxaneyê îşxalkeran ame îmhakerdene. Na çalakîye hetê hêzanê ma yê YJA Starî ra ameye kerdene. Saetanê vera nêmroje de îşxalkerî  tîya reyna bi çekanê giranan ameyî pirodayene. Çalakîyê hêzanê ma yê vera îşxalkeran dewam kenê.

3ê temmuze de Warê Xoverdayîşî yê Girê Amêdîye de îşxalkerî hetê hêzanê ma yê YJA Starî ra di reyî ameyî pirodayene. Çalakîyan de sîstemêkê kamaraya mobese ame îmhakerdene.

Herêma Xakurkê;

2ê temmuze de mabênê Waranê Xoverdayîşî yê Şekîf û Şehîd Qehremanî de îşxalkerî bi taktîkê sabotajî ameyî pirodayene. Na çalakîye de îşxalkerêk ame cezakerdene, îşxalkerêk birîndar bi. Îşxalkerê ke reyna têgêrayî reyna ameyî pirodayene 2 îşxalkerî ameyî cezakerdene. 3ê temmuze de artêşa tirke ya îşxalkere Warê Xoverdayîşî yê Şekîfî verî da bombayan ver û dima ra pê helîkopteran tîya leşkerî ca kerdî.

Herêma Metîna;

30ê hezîrane de Warê Xoverdayîşî yê Serê Metîna de îşxalkerî bi çalakîya koordînekerdî ameyî pirodayene. Çalakîye de mewzîyêke ameye îmhakerdene, 5 leşkerê ke tedebî ameyî cezakerdene û di kamerayê mobese ameyî îmhakerdene.

30ê hezîrane Warê Xoverdayîşî yê Serê Metîna de netîceya bombardumanê artêşa tirke ya îşxalkere de hîrê hemrayê ma şehîd bîyî. Ma do nasnameyê embazanê xo yê şehîdan pêra eşkera bikerê.

Bombardumanî;

1 û 3ê temmuze de warê Girê Casûsan, Gundê Komurtanî yê herêma Qendîlî, Warê Xoverdayîşî yê Sinînê û Şekîfî yê herêma Xakurkê, warê Xêrê, Girê, Sêdarê yê Garê, Warê Xoverdayîşî yê Dergelê û Golka yê herêma Metîna, Herêma Şehîd Delîlî ya Rojawanê Zapî û 33 reyî pê teyarayanê şerî dîyayî bombayan ver.

3ê temmuze de herêmê Metîna, Xakurkê û Zapî pê helîkopteranê hêrişî dîyayî bombayan ver.''