Dewleta tirke ya îşxalkere ya ke nêeşkena xoverdayîşê Gerîlayanê Azadîye yê Kurdîstanî bişikno, sûcê şerî kena û çekanê kîmyewîyan şuxulnena. Rixmê nê çalakîyan de 14 îşxalkerî ameyî cezakerdene, 6 îşxalkerî birîndar bîyî û 3 droneyî dîyayî wardayene.
Merkezê Îrtîbatî û Çapemenîye yê HPGyî derheqê hêrişê îşxalî yê dewleta tirke û çalakîyanê gerîlayan de eşkerayîye daye û nê pare kerdî:
''Hêzê ma yê ke Waranê Xoverdayîşî de bi çalakîyanê xo yê cîya cîyayan hesabê îşxalkeran xeripnayî, nîsîyatîfê herême destê înan de yo. Dewleta tirke ya îşxalkere ya ke nêeşkena xoverdayîşê Gerîlayanê Azadîye yê Kurdîstanî bişikno, sûcê şerî kena û çekanê kîmyewîyan şuxulnena. Îşxalkerî se kenê wa bikerî do meeşkê têkoşînê tarîxî û îradeyê fedayî yê Apoyîyî yê gerîlayan bişiknê. Têna 17 gulane de vera mewzîyanê şerî yê Waranê Xoverdayîşî 44 rey çeka kîmyewîye ameye şuxulnayene. Vera nê netîceya çalakîyanê bitesîran ê hêzanê ma de 14 îşxalkerî ameyî cezakerdene, 6ê îşxalkerî birîndar bîyî û 3 droneyî dîyayî wardayene.
Detayê çalakîyanê ke 17ê gulane de ameyî kerdene wina yê:
Avaşîn
Warê Xoverdayîşî yê Werxelê de îşxalkerî bi çekanê giranan ameyî pirodayene, îşxalkerêk ame cezakerdene û 3 îşxalkerî birîndar bîyî. Îşxaleranê ke derbî werdî û mecbur mendî gamêke peyser biancîyê 15 rey bi çekanê kîmyewîyan herême bombarduman kerde.
Zap
Dormeyê mewzîyanê şerî yê Kevirêkunî yê Warê Xoverdayîşî yê Şikefta Birîndara de îşxalkerî di rey bi taktîkê suîqestî ameyî pirodayene, 2 îşxalkerî ameyî cezakerdene. Şîkefta Birîndara de hêzanê ma bi çekanê giranan da îşxalkeran ro. Îşxlakerî mecbûr mendî peyser agêrê. Tîya di droneyî zî ameyî wardayene. Saneta cemê şanî de îşxalkerî reyna hetê hêzanê ma ra têdima bi taktîkê suîqest û sabotajî ameyî pirodayene. Tîya 8 îşxalkerî ameyî cezakerdene û 3 îşxalkerî birîndar bîyî. Artêşa tirke waşt saetanê şanî bi helîkopteran merdayanê herême ra vejo. Hêzanê ma helîkopterî ser o adir varna û peyser açarna.
Warê Şehîd Hewrê yê Warê Xoverdayîşî yê Şehîd Şahînî de zî çalakîya sabotajî ameye kerdene, 3 îşxalkerî ameyî cezakerdene. Tîya hêzanê ma madeyê teqayîşî yê dişmenî yo ke dest nabi ser şuxulna. Hêzanê ma bi çeka dişmenî da dimenî ro. Herême de hetê hêzanê ma yê YJA Starî ra zî droneyêk ame wardayene. Îşxalkeranê ke derbeyê pîlî werdî mewzîyê şerî yê warê Şehîd Hewrê û Şehîd Berxwedanî yê Warê Xoverdayîşî yê Şehîd Şahînî û Girê Cehenemî yê Warê Xoverdayîşî yê Çîyareşî 29 rey bi çekanê kîmyewîyan dayî bombayan ver.
Bombarduman
17ê gulane de warê Çemço, Şikefta Birîndara, Girê Amedîye û Girê FMyî yê herêma Zapî û warê Girê Hakarî û Girê Ortê yê herêma Metîna pê teyaranê şerî û obusan dîyayî bombayan ver.''
