Merkezê Îrtîbatî û Çapemenîye yê HPGyî derheqê hêrişanê îşxalî û çalakîyanê gerîlayan de eşkerayîyêke daye û nê pare kerdî:

''Netîceyanê çalakîyanê hêzanê ma de 2 îşxalkerî ameyî cezakerdene û  mewzî ame îmhakerdene. Artêşa îşxalkere Warê Xoverdayîşî 10 reyî pê bombayanê qedexekerdeyan dayî bombayan ver. Detayî wina yê:

Çarçewa Hemleya Şorişgêre ya Bazanê Zagrosî de herêma Xakurkê de;

27ê teşrîna verêne de Warê Xoverdayîşî yê Girê Şehîd Şahanî de gerîlayan di reyî da îşxalkeran ro û 2 îşxalkerî ceza kerdî û 1 mewzî îmha kerd. 27ê teşrîna verêne de Warê Xoverdayîşî yê Girê Şehîd Axînî de gerîlayanê YJA-Starî îşxalkerî derb kerdî.

Hêrişê ke artêşa îşxalkere pê çekanê kîmyewîyan û bombayanê qedexekerdeyan kerdê:

27ê teşrîna verêne de Warê Xoverdayîşî yê Çemçoyî de mewzîyê Şehîd Bahozî bêmabên dîyayî bombayan ver û îşxalkeran pê aspîratoran dûyê jehrînî verdayî mewzîyan. 27ê teşrîna verêne de Warê Xoverdayîşî yê Sîda, mewzîyê Şehîd Pîrdoganî yê Girê Amedîyê, mewzîyê Şehîd Xûrsî yê Saca, mewzîyê Şehîd Agirî yê Sîda dîyayî bombayan ver.

Hêrişê bînî yê artêşa îşxalkere:

26ê teşrîna verêne de erazîyê dewa Şêlazê yê Metîna, dormeyê Awa Zapî, 27ê teşrîna verêne warê Xoverdayîşî yê Kurojahro, Girê Amedîyê, Girê Cûdî, Çemço, Girê FMyî dîyayî bombayan ver. 27ê teşrîna verêne de îşxalkeran reyna xîret kerd ke pê kepçeyan mewzîyanê Warê Xoverdayîşî yê Karkerî birijnê.''