Fermandaranê Merkerzê Qerargehê YJA Starî ra Şafake Aryen bi wesîle serrgêra Hemleya 15ê Tebaxe ANFyî rê qala raştîya qehremanîye ya ke şexsê Fermandar Egîdî de Kurdîstan de vila bîye, kerd. Qiseykerdişê  Şafake Aryen ra qismêk wina yo:

''Hemleya 15ê Tebaxe ewro dinya de mana, erj û netîceya xo mojnena ra. Eke no îrade nêbîyênî ma nêeşkayêne bêrê na nuqta. No zaf eşkera yo. Averşîyayîşê 15ê Tebaxe raştîya serkêşîya rayber Apoyî vejena meydan.  15ê Tebaxe yeno  no  mana ke PKk xeta Rayber Apoyî de do qerardar rayra şiro û têkoşînê mîyanê rêxistene de netîceyê muhîmî afirnayî.  Ma de gerîlatîye têna metodê têkoşînê leşkerî nîyo, eynî wextî de komelbîyayîş o.

Rayber Apo vano dewlete dezgehbîyayîşê camêrdîye yo. Têkoşînê vera devlete, sîstemê îqtîdarî vervejîyayîşê zîhnîyetê camêrdê serdestî û dezgehbîyayîşê ci yo. Komelo ke îradeyê wayîrvejîyyaîşê xo ramojno bi xo zî yeno têrî û xo koletîye ra xelisneno. Taybetîya esasî ya 15ê Tebaxe aya ke cinî zî kerdî mîyanê gerîlayan û seba ke cinîyî xo koletîye ra bixelisnê verê înan akerd. 15ê Tebaxe gama silsileyê erjanê newayan a.

Tesîro komelkî yê çalakîya 15ê Tebexe biheybet o û guleyo verên o ke yeno manaya ganîbîyayîşî, startê prosesêkê newî da destpêkerdene ke şarî de waştişê azadîye açirna hêvî û îradeyê xelisnayîşî. Mîyanê têgêrayîşê ma de xeta Egîdî yena esasgirewtene. Ma zanê ke azadîya raşte qet rehet nêbena la rayîrê averşîyayîşanê biheybetan akena.

Rayîro ke şehîdanê ma bi xeta cuyeya raşte û gan û keda xo akerd, ma nê rayîr de ver bi ameyoxî aver şinê. Ma ganî berpirsîyarîya xo bîyarê ca û nê rayîrî biresnê serkewtişî. Coka têkoşînê gerîlayan her warî de yeno averberdene. Bi wesîleya serrgêra 15ê Tebaxe  ma Rayberîye selam kenê û şexsê embaz Egîdî de heme şehîdanê xo bi hurmet û mînetî yad kenê. Rayberîya ma badê Hemleya 15ê Tebaxe vat ''Ganîbîyayîş ame temamkerdene, dora xelisnayîşî ya.'' Xelisnayîş sey caardişê cuyeya azade û welatê azadî pênas keno. Serra 40. ya 15ê Tebexe de hinî wextê serkewtişê nê yo.''