Îbrahîm Omer dima ke babîyê xo ra hîkayeya Bêrîtane (Gulnaze Karataş) eşnawite û xoverdayîşê aye yê vera xîyanetî musa verê xo ke koyanê azadan.

Îbrahîm Omer 2015 de tewrê PKKyî bi û nameyê 'Şaho Germîyanî' girewt. Şaho Germîyanîyî seba ke vera zulmê serê kurdan vejîyo PKKyî ra ber rayîrêko bîn nêdî. Ey bire daye ke bibo raywanê azadîye û merdimatîye. Bi nê hawayî ey pêro zehmetî û astengîyî wedaritî û bi gamanê zixman ters verda zerrîya dişmenî.

Ey pê hûyayîş û vateyanê xo no rayîro fîraz bi coş û moralî xemilna. Şaho Germîyanî heta peynî  perwerê Rayberîye û şehîdan bi. Ey seba şar, welatê xo û Rayberîye ganê xo feda kerd.

Şaho Germîyanî  têkoşînê xo yê azadîye de mîyanê hîrê serran de tewrê xeylêk çalakîyan bi û derbê giranî dayî dişmenî ro. Şaho Germîyanî (Îbrahîm Omer / 1993 Kelar) 2ê teşrîna verêne ya 2017î de çalakîya vera qereqolî de pa çar embazanê xo tewrê karwanê şehîdan bi.