Perey Asayîşê Êzidxanî yê Şingalî de wesayîtêk dîyabi bombayan ver û 3 endamê asayîşî birîndar bibî.

Vizêr şarê Şingalî derheqê hêrişî de verê Merkezê Şarî yê Şingalî de eşkerayîyêke daye. Nameyê girseyî ser o Endama Koordînasyonê TAJÊ Neame Bedel eşkerayîye wende û îfade kerd ke nê hêrişî verê çimanê hêzanê Iraqî de benê. Neame Bedel vat: ''Ma hukmatê Iraqî ra persenê; eke şima ma nêpawenê çi gureyê şima Şingal de est o? Verî zî wesayîtê ma dîyabî bombayan ver. Ma do meverdê Peymana 9ê Teşrîna Verêne bêra caardene. Se kenê bikerê ma do erdê xo meteriknê, Asayîşê Êzidxanî û ciwananê xo meteriknê.''