Serrgêra 44. ya ronîyayîşê PKKyî Şingal de serkêşîya Yewîya Ciwananê Şingalî û Yewîya Cinîyan ê Ciwanan ê Şingalî de ameye fîrazkerdene. Şayîye Baxçeyê Rêber Apoyî yê Koyê Şingalî de ameye kerdene. Şayîye heta şanî bi coşî dewam kerd.

Beşdaranê şayîye ra endama Keyeyanê Şehîdan ê Şingalî Sûrîye Xelef şayîye de qisey kerd û ard ziwan ke dewleta tirke ha hêrişê Rojawanî kena la se kena wa bikera peynî de kurdî do ser bikewê. Xelefe vat: ''Her kes zaneno ke serkewtiş ê PKKyî yo.''

Endama Yewîya Cinîyan ê Ciwanan ê Şingalî Jîyane Çîya zî serrgêra ronîyayîşê PKKyî fîraz kerde û  pare kerd ke ê 8 serrî yo bi felsefeya Rayberê Şarê Kurdî Abdullah Ocalanî têkoşîn kenê û peynî de azad bibê.

Şan zî ciwanan Koyê Şingalî de adir vist ta û serrgêra ronîyayîşê PKKyî bi slogananê "Bijî Partiya Karkerên Kurdistanê", "Bê Serok Jiyan Nabe", "Bijî Berxwedana Gerîla" fîraz kerde.