Şar û dezgehê Şingalî vera gefanê dewleta tirke yê serê Şingalî Xanêsor de YBŞ zîyaret kerd û paştdayîşê xo mojna. Şar û şerwanan pare kerd ke ê do rayîr nêdê îşxalan. Zîyaret de eşkerayîye zî dîyaye.

Eşkerayîye de ame parekerdene ke şingalijî gef û hêrişanê Erdoganî ra nêtersenê û paştî danê hêzanê xo. Şingalijan pare kerd ke Erdogan wazeno xeyalê Osmanijan bîyaro ca la ê do rayîr nêdê ney.

Eşkerayîye ra dima Fermandarê YBŞyî Dijwar Feqîrî qisey kerd û eşkera kerd ke ê do vera her îxtîmalê hêrişê serê Şingalî pawitişê xo bikerê û xoverdayîşê xo dewam bikerê. Feqîrî vat: ''Îşxalkeran rê sivîl yan zî domanî ferq nêkenê. Zîyaretê şarî ma rê moral bîyo.''

Peynî de girseyê şarî verê YBŞyî de sloganê sey 'Biciwîyo xoverdayîşê Şingalî' û 'Biciwîyo xoverdayîşê YBŞ û YJŞyî' vatî.