Vera xespkerdişê şaredarîyan Bajaranê Pîlan ê Amed, Wan û Mêrdînî çalakîyî dewam kenê. Şarê Amedî roje kuçeyan de şewe keyeyan de çalakîye de yo

Şarê Amedî yo ke vizêr heta şanî kuçeyan de rixmê hêrişê polîsan wayîr îradeyê xo vejîya, şan zî keyeyanê xo de bi çalakîya vengvetişî qeyûm protesto kerd. Bi vengdayîşê HDP’yî saete 20:00 de şar vejîya pencra û balqonanê xo ser û bi vengvetişî razînêbîyayîşê xo ramot. Amedijan tîlîlîlî antî û çilayê xo kerdî hewna û tafînayî.

Hetê bînî ra qezaya Seyhanî ya Edene de zî hemwelatijê ke mehleya Gulbaçe de ameyî têhet bi çepik û tîlîlîyan qeyûm şermezar kerd û semedê xurtkerdişê çalakîyanê vengvetişî veng da.