5 rojî derbaz bîyî ke artêşa Tirkî ya îşxalkare 22'ê Gulane 2019 de hêrişê îşxalkerdişî yê vera Xakurkê dayî destpêkerdene. Heta nika HPG-YJA Starî tu eşkerayîya ke vîndîbîyaye yê înan estê, nêdaye. Nêzdîyê di serrî yo cehdkerdiş yeno kerdene ke Xakurkê bêra îşxalkerdene. Herêma peyêne ya ke vera ci hêriş yeno kerdene girêkê berzî yo ke şarê ci ra vano ''Şekîf'' o. Dimayê têgêrayîşê hêzanê îşxalkaran, gerîlayanê HPG-YJA Starî hema hema her ca de çalakîyê bitesîrî viraştî. Wareyanê Şehîd Derwêş, Şehîd Şahan, Şehîd Botan, Arê, Lêlikanî de şer qewemîya. Artêşa Tirkî ya ke şîya seyd bîye nêçîre. Bi çalakîyanê sey suîkastî, bi tewirê sereştişê û dekewtişî yê tîmanê gerîlayanê qijan, bi desan eskerê îşxalkaran ameyî kiştene.

Goreyê zanayîşê ke çimeyanê cayîyan ra ameyê girewtene, artêşa îşxalkere teberê bombadûmankerdişê hewayî nêeşkena çîyêk bikera û çareyo peyêne xo eşt peyê pêşmergeyanê PDK'yî. Tayê hamkarê ke bawerî bi tewirê PKK’yî yê ‘ma do destûr nêdanê birakuştişî’anê û herêma Berbîzînê û Girê Hacerî yo ke serê xeta Xakurkê-Xinêrê de cayêko stratekîk o, seba ‘hetkarîye’ ya artêşa Tirkî wazenê pêbigêrê. Konvoyêka ke 30 wesayîtanê zirxinan ra yena pê, firsend pawena.

Goreyê zanayîşanê cayîyan, cehdkerdişêkê îşxalkerdişî yê vera Neqebe Berbîzînê, winî aseno ke zemînê provakasyonêkê girdî do abikero. Şarê herême zî, seba ke tewr peynîye de dewa Xelîfan de 30 zêdetir pesê înan bi teyareyanê şerî û hêrişanê hawanan ameyî kiştene, zaf bihêrs o. Vengdayîş bi Rayberîya Herême ya Başûrê Kurdistanî ame kerdene ke heqê înan bipawê û vera îşxalkerdişî vinderê û hetê bînî ra seba vindernayîşê artêşa îşxalkare vengdayîş bi rayberîya NY, DYE, YE û Iraqî rê ame kerdene ke wa na babete de hîsgêr bê.