Kampa Multecîyan a Şehîd Rûstem Cûdîyî de rayberîya Têgêrayîşê Cinîyan ê Ciwanan ê Mexmûrî (TJCM) û Têgêrayîşê Ciwananê Mexmûrî (TCM) de 1ê Teşrîna Peyêne Roja Kobanê ya Dinya ameye fîrazkerdene.

Şayîye pê konvoyê wesayîtan dest pêkerd. Wesayîtan de fotografê Rayberê Şarê Kurdî Abdullah Ocalanî û posterê şehîdanê Kobanê ameyî akerdene.  Turî ra dima konvoy Merkezê Kultur û Hunerî de kom bîyî. Tîya de zî Endama TJCMyî Çîçeke Orhan eşkerayîye wende.

Eşkerayîye de ame vîsvistene ke hêriş û gefê Tirkîya yê vera Rojawanî dewam kenê. Dima sînevîzyon ame mojnayene û şayîye pê slogananê 'Biciwîyo Serek Apo', 'Şehîdî Nêmirenî' qedîyaye.