Dewa Bestê ya herêma Mardo ya Binarê Qendîlî de komêka hemwelatîyan ameyî pêser û pê eşkerayîyêke vera alozîya Zînî Wertê nêrazîbîyayîşê xo mojna. Eşkerayîyêka hetê Şêx Mihemed Bestêyî ra ame wendene wina ya:

''Tarîx şahîd o ke dişmenanê kurdan seba menfaatanê xo tim mabênê kurdan de nakokîyî viraştî. Dişmenî nêwazenê ke kurdî azad û xoser biciwîyê. Nê pê destê komêke ra zî ameyî kerdene ke xo sey kurd name kenê. Na kome Kurdîstan teslîmê dişmenan kena. Sewqîyatê pêşmergeyan ê seba Zînî Wertê yeno manaya şerî. Ma wazenê ke pêro terefê sîyasîyî, rêxistinê heqanê merdiman û şarê Kurdîstanî rayîr nêdê ke birakujîyêke biqewimîya. Planê dewleta tirke ya îşxalkere no yo ke Qendîl îşxal bikera. Ma sey şarê Binarê Qendîlî îşxalkerîye qet qebul nêkenê û ma do erdê xo bipawê.''